អត់សរសើរមិនបាន….អាយុ៦៧ឆ្នាំហើយតែរាំតោងបង្គោលបានល្អឥតខ្ចោះ

លោកយាយGreta Pontarelli មកពីទីក្រុង San Diego បានប្រកាន់យកការហាត់ប្រាណដើម្បីសុខភាព តាំងពីអាយុ៥៩ឆ្នាំ។ ប៉ុន្តែមកដល់អាយុ៦៧ឆ្នាំទៅហើយគាត់នៅតែរាំតោងបង្គោលបានយ៉ាងល្អនិងមាំ មួនក្រៃលែង។

លោកយាយចូលនិវត្តន៍រូបនេះដំបូងឡើយគ្រាន់តែហាត់កីឡាដើម្បីឲ្យឆ្អឹងរឹងមាំតែប៉ុណ្ណោះ។ ប៉ុន្តែពេលនេះគាត់អាចរាំក្បាច់តោងបង្គោលយ៉ាងល្អនិងជាប់លំដាប់ពិភពលោក។ គាត់បានផ្តល់បទពិសោធន៍ថា៖ បញ្ហាអាយុមិនអាចបញ្ឍប់ក្តីស្រមៃរបស់យើងបានទេ។ ខ្ញុំតែងតែលឺគេនិយាយ, ខ្ញុំចាស់ហើយ,ខ្ញុំអ៊ីចេះ,ខ្ញុំអ៊ីចុះ។ខ្ញុំយល់បាន។ ប៉ុន្តែគ្រប់យ៉ាងវាគ្រាន់តែជាការដោះសារតែប៉ុណ្ណោះ។

គាត់ធ្លាប់ទទួលបានជោគជ័យក្នុងការប្រកួតប្រជែងរាំតោងបង្គោលជាមួយក្មេងដែលអ្នកខ្លះមានអាយុ ត្រឹម១៨ឆ្នាំតែប៉ុណ្ណោះ ហើយទទួលបានជោគជ័យលើអ្នកទាំងនេះទៀតផង៕