កីឡាបរទេស ៖ លោក Herbert Hainer ប្រធានក្លឹប Bayern Munich បានបញ្ជាក់ថាលោកមិនចង់បាន Cristiano Ronaldo មករួមក្រុមឡើយ ព្រោះវ័យរបស់គេច្រើនណាស់ទៅហើយ។
Bayern Munich កំពុងស្វែងរកខ្សែប្រយុទ្ធល្អម្នាក់មករួមក្រុមទៀត ក្រោយពីការចាកចេញរបស់ Arjen Robben និងFranck Ribery ទៅ ក្រុមមិនទាន់អាចរកអ្នកមកជំនួសឱ្យសក្ដិសមបាន។ ក្នុងនោះដែរ មានមតិជាច្រើនលើកឡើងថា Ronaldo ដែលបច្ចុប្បន្នកំពុងលេងនៅ Juventus គឺជាកីឡាករល្អម្នាក់ អាចត្រូវគ្នាជាមួយក្រុមយក្សអាល្លឺម៉ង់បាន។ជាមួយរឿងនេះ បានធ្វើឱ្យលោក Herbert ដែលជាប្រធានក្លឹបបានច្រានចោល។ លោកអះអាងថា Ronaldo ពិតជាកីឡាករកំពូលម្នាក់នៅលើលោកនេះមែន ប៉ុន្តែបើមើលទៅវ័យបច្ចុប្បន្ននេះ រូបគេមានអាយុ៣៥ឆ្នាំទៅហើយ។ ដូច្នេះ តាមវ័យនេះ ហាក់ដូចជាចាស់ពេក សម្រាប់ការលេងឱ្យក្រុម Bayern Munich ទៅហើយ៕
