កញ្ញាអាយុ១៧ឆ្នាំមុខដូចក្មេងស្រីបាត់ខ្លួនជាមួយបុរសវ័យចំណាស់ម្នាក់យ៉ាងអាថ៍កំបាំង

តាមកាសែត The Mirrorចេញផ្សាយនៅថ្ងៃអង្គារនេះបានឲ្យដឹងថានារីវ័យជំទង់ម្នាក់អាយុ១៧ ឆ្នាំប៉ុន្តែមានមុខដូចជាក្មេងស្រីវ័យ៦ឬ៧ឆ្នាំនៅឡើយនោះបានបាត់ខ្លួនកាលពីថ្ងៃសុក្រសប្តាហ៍ មុននៅពេលដែលនាងជិះរថយន្តវ៉ែនជាមួយបុរសម្នាក់ឈ្មោះStuart Lymerអាយុ៤៥ឆ្នាំក្នុងទីក្រុងTescoនៃប្រទេសអង់គ្លេស។

ប៉ូលីសកំពុងបើកការស៊ើបអង្កេតដើម្បីស្វែងរកយុវនារីដែលមានមុខជាកុមារីនេះដែលបានបាត់ខ្លួនជាមួយបុរសវ័យចំណាស់Stuart Lymer ពីព្រោះរថយន្ត របស់គាត់ត្រូវបានគេរកឃើញចតចោលនៅក្នុងចំណតក្នុងទីក្រុង Stafford។ ប៉ូលីសបានសំដែងការព្រួយបារម្ភជាខ្លាំងចំពោះជោគវាសនារបស់នារីនោះ៕