អស្ចារ្យណាស់ !! បុរសម្នាក់ប្រើធ្មេញលើកអាល់ទែ ហើយយកក្បាលដំដែកគោល

លោក Nurlan Alisherov បានបង្ហាញសមត្ថភាពទេពកោសល្យចម្លែកៗនឹកស្មានមិនដល់មួយ តាមរយៈការបង្ហាញទេពកោសល្យសមត្ថភាព ដែលកម្រមាននរណាម្នាក់អាចធ្វើបាន។ លោក Nurlan អាចប្រើក្បាលរបស់លោក ប្រៀបបីដូចជាញញួរដ៏តាន់ ដំដែកគោលចូលក្នុងសាច់ឈើ ប្រើធ្មេញខាំគាស់ដែកគោលចេញពីសាច់ឈើមកវិញ និងអាចប្រើធ្មេញរបស់គាត់ ខាំអូសរថយន្ត និងខាំលើកអាល់ទែជាដើម។

បុរសខ្លាំងឆ្អឹងដែកស្បែកស្ពាន់រូបនេះ បានអះអាងទៀតថា អ្វីដែលពិសេសជាងនេះទៅទៀតនោះ លោកក៏អាចអូសរថយន្តដែលមានទម្ងន់៣តោន បានក្នុងរយៈចម្ងាយ៣គីឡូម៉ែត្រ កាត់តាមផ្លូវរូងភ្នំ Too Ashuu Mountain ដែលមានកម្ពស់៣,៣០០ម៉ែត្រ បានថែមទៀតផង៕