កីឡាបរទេស ៖ នៅសល់តែជាង១០ប្រកួតទៀតប៉ុណ្ណោះនឹងចប់រដូវកាលនេះហើយ តើអាចទេដែលគ្រូបង្វឹកស្ទើរបទពិសោធលោក Ole Gunnar Solskjaer ថាក្រុម Manchester United នឹងមិនឱ្យក្រុម Manchester City រត់ទៅឆ្ងាយជាមួយពានរង្វាន់បានយ៉ាងស្រួលៗនោះទេនារដូវកាលនេះ ខណៈបច្ចប្បន្ន Man Utd ចាញ់ក្រុម Man City ៧ពិន្ទុទៅហើយនោះ។
ក្រោយពីលេងស្មើជាមួយក្រុម West Brom នៅយប់មិញនេះមក ក្រុមរបស់លោក Ole បានលេខ២ ប៉ុន្តែគម្លាតពិន្ទុជាមួយក្រុមលេខ១ Man City គឺកាន់តែឆ្ងាយទៅហើយ។ ពេលនេះ Man Utd ចាញ់ក្រុម Man City ៧ពិន្ទុ និង១ប្រកួតក្នុងដៃទៀត។ ខណៈដែលការប្រកួតវិញនៅសល់តែជាង១០ប្រកួតទៀតប៉ុណ្ណោះនឹងចប់រដូវកាលនេះហើយ។
ត្បិតតែយ៉ាងនេះក្ដី គ្រូបង្វឹកស្ទើរបទពិសោធលោក Ole Gunnar Solskjaer បាននិយាយថាលោកនឹងមិនឱ្យ Man City រត់ទៅឆ្ងាយ ឬដាច់ពិន្ទុយកពានរង្វាន់បានយ៉ាងស្រួលៗឡើយ។ ក្រុម Man Utd នឹងព្យាយាមឱ្យអស់ពីសមត្ថភាពដើម្បីប្រដេញក្រុមកំពូលតារាង បើទោះជាបច្ចុប្បន្ននៅមានគម្លាតពិន្ទុគ្នាឆ្ងាយក៏លោកមិនអស់សង្ឃឹមដែរ៕
