កីឡាបរទេស ៖ កីឡាករ Gareth Bale ប្តូរចូលចុងម៉ោងត្រូវក្រុម West Ham ស៊ី៣គ្រាប់នៃ១០នាទីចុងក្រោយ ដែលធ្វើឲ្យក្រុម Spurs លេងបានត្រឹមស្មើជាមួយក្រុម West Ham ក្នុងលទ្ធផល ៣-៣ ប៉ុណ្ណោះសម្រាប់ការប្រកួតពានរង្វាន់ English Premier League នៅយប់មិញនេះ។
ក្រុម Spurs បានរបូតគ្រាប់បាល់ដល់ទៅ៣គ្រាប់ បន្ទាប់ពីផ្លាស់ប្ដូរ Gareth Bale ចូលក្នុងការប្រកួតទល់ក្រុម West Ham កាលពីយប់មិញនេះ ដែលបញ្ចប់ទៅស្មើគ្នា៣-៣ តែយ៉ាងណាលោក Jose Mourinho ថាវាមិនមែនជាកំហុសតែកីឡាករម្នាក់ឡើយ ដែលរបូតគ្រាប់បាល់ច្រើនចុងម៉ោងបែបនេះ។
ក្រុម Spurs បាននាំមុខក្រុម West Ham ក្នុងលទ្ធផល ៣-០ នៅត្រឹមតង់ទី១។ ដោយចូលដល់តង់ទី២ លោក Jose Mourinho បានដាក់ឱ្យ Bale បង្ហាញសមត្ថភាព ហើយពេលដាក់រូបគេចូលទៅ ក្រុម Spurs បែរជារបូតគ្រាប់បាល់ដល់ទៅ៣គ្រាប់វិញ ធ្វើឱ្យលទ្ធផលស្មើគ្នា ៣-៣ សម្រាប់ប្រកួតនៅយប់មិញនេះ។លោក Jose Mourinho អ្នកចាត់ការក្រុម Spurs បាននិយាយចំពោះការដាក់ Bale ឱ្យចូលលេងថា៖ “ខ្ញុំមិនគិតថាគាត់ជាអ្នកធ្វើឱ្យរបូត៣គ្រាប់នោះទេ។ គាត់សក្ដិសមសម្រាប់ឱកាសបានចូលលេងប្រកួតនេះ និងសឹងតែរកគ្រាប់បាល់បានទៅហើយ។ វាមិនមែនជាកំហុសតែកីឡាករម្នាក់ឡើយនៅពេលក្រុមមិនទទួលបានលទ្ធផលល្អ។ គ្រប់គ្នាក្នុងក្លឹប សុទ្ធតែពេញចិត្តគាត់”៕
