កីឡាបរទេស ៖ បន្ទាប់ពីអាក់អន់ចិត្តនិងលោក Lampard ដែលជាគ្រូបង្វឹកក្រុម Chelsea មិនព្រមឱ្យរូបគេទៅចូលរួមពិធីជប់លៀងរៀបការមិត្តភ័ក្ដិរបស់ខ្លួនកាលពីពេលកន្លងទៅនេះ កីឡាករN’Golo Kante ចង់ចាកចេញពីក្រុមតោខៀវហើយនៅខែមករា ដោយអាចទំនងជាទៅលេងឱ្យក្រុម Real Madrid ប្រសិនបើក្លឹបអេស្ប៉ាញរូបនេះចង់បានរូបគេ។
ខ្សែបម្រើ N’Golo Kante ចង់ចាកចេញពីក្រុម Chelsea នៅខែមករាឆ្នាំ២០២១ខាងមុខនេះ ក្រោយពីរូបគេអន់ចិត្តជាមួយលោក Lampard ដែលមិនព្រមឱ្យរូបគេទៅចូលរួមកម្មវិធីរៀបការមិត្តភ័ក្ដិ។
Kante ជាខ្សែបម្រើកំពូលម្នាក់នៅលើលោកនេះ ហើយបច្ចុប្បន្នរូបគេកំពុងលេងឱ្យជម្រើសជាតិបារាំងក្នុងពានរង្វាន់ UEFA Nations League។ ដោយក្រុមជម្រើសជាតិបារាំង នឹងត្រូវប្រកួតជាមួយក្រុមក្រូអាតនៅរាត្រីនេះហើយ។ ប្រភពនៅបារាំង បានបញ្ជាក់មុនមកលេងឱ្យបារាំងនេះ Kante មិនសប្បាយចិត្តជាមួយលោក Lampard អ្នកចាត់ការក្រុម Chelsea នោះទេ។ ការអន់ចិត្តនេះកើតឡើង ក្រោយពីលោក Lampard មិនព្រមឱ្យរូបគេទៅចូលរួមពិធីជប់លៀងរៀបការមិត្តភ័ក្ដិរបស់ខ្លួនកាលពីពេលកន្លងទៅនេះ។ ដូច្នេះហើយទើបរូបគេចង់ចាកចេញពីក្រុមតោខៀវហើយនៅខែមករា ដោយអាចទំនងជាទៅលេងឱ្យក្រុម Real Madrid ប្រសិនបើក្លឹបអេស្ប៉ាញរូបនេះចង់បានរូបគេ៕
