កីឡាបរទេស ៖ បន្ទាប់ពីកីឡាករ Mbappe បានចេញមុខប្រាប់ទៅថ្នាក់ដឹកនាំក្រុម PSG ថារូបគេចង់ចាកចេញពីក្រុមហើយនៅរដូវកាលក្រោយនេះ បណ្ដាកាសែតអេស្ប៉ាញជាច្រើន បានចុះផ្សាយចង់ឃើញវត្តមានរបស់ Kylian Mbappe មករួមក្រុម Real Madrid ឬមកចូលរួមលេងនៅក្របខណ្ឌLa Liga រដូវកាលក្រោយនេះផងដែរ។
ក្រោយនៅរួមរស់ជាមួយក្លិប PSG ជាច្រើនឆ្នាំមកកីឡាករ Mbappe បានចេញមុខប្រាប់ទៅថ្នាក់ដឹកនាំក្រុម PSG ថារូបគេចង់ចាកចេញពីក្រុមហើយនៅរដូវកាលក្រោយនេះ ពោលគឺលេងតែ១រដូវកាលនេះទៀតទេ នឹងចាកចេញទៅរកក្លឹបថ្មីហើយនារដូវកាលឆ្នាំ២០២១ -២០២២ខាងមុខ។
ដំណឹងនេះបានធ្វើឱ្យក្លឹបដែលចង់បានរូបគេជាច្រើនកំពុងសប្បាយចិត្ត និងបញ្ជូនក្រុមការងារទៅចរចាយករូបគេមករួមក្រុមទៅហើយ។ក្នុងនោះដែរ នៅអេស្ប៉ាញ មានប្រភពជាច្រើនបានចុះផ្សាយថាចង់ឃើញ Real Madrid នាំយកកីឡាករបារាំងនេះមករួមក្រុម។ លោក Zidane ដែលមានសញ្ជាតិបារាំងស្រាប់ ទំនងជាអាចអន្ទងចិត្តរូបគេមករួមក្រុមបានមិនខាន។ ខណៈដែលក្រុម Real Madrid ផ្ទាល់ក៏បានតាមទិញរូបគេពីក្រុម PSG ជាច្រើនលើកមកហើយដែរ៕
