ភ្នំពេញ: បើតាមការអះអាងពីលោកហែម គីរីអគ្គលេខាធិការសហព័ន្ធខ្មែរកីឡាហែលទឹកនោះថាស្ថានទូតជប៉ុនប្រចាំប្រទេសកម្ពុជាបានទទួលយកសំណើរបស់សហព័ន្ធខ្មែរកីឡាហែលទឹកស្ដីពីការបញ្ជូនកីឡាករ-កីឡាការិនីចំនួន១៩រូប និងអ្នកសម្របសម្រួលមួយរូបដើម្បីទៅហ្វឹកហាត់មួយសប្ដាហ៍ហើយ ។
លោកគីរីបានថ្លែងប្រាប់ទៅកីឡាករ-កីឡាការិនីរបស់លោករួចហើយថាការចេញទៅប្រទេសជប៉ុនរយៈពេល
មួយសប្ដាហ៍នេះគឺដើម្បីហ្វឹកហាត់ជាមួយកីឡាករ-កីឡាការិនីវ័យក្មេងៗរបស់ជប៉ុន ឯការស្នាក់នៅគឺបែងចែកគ្នារស់នៅជាមួយគ្រួសារជប៉ុនដើម្បីស្វែងយល់ និងចែករំលែកពីចំណេះដឹងវប្បធម៌ដល់គ្នាទៅវិញទៅមក ។
គ្រួសារជប៉ុនចូលចិត្តធ្វើបែបនេះព្រោះនេះជាទស្សនៈកិច្ចសិក្សាដើម្បីស្វែងពីការរស់នៅប្រចាំថ្ងៃពីគ្នាទៅវិញទៅមក ។ការផ្ដល់ដល់គ្នាទៅវិញទៅមកពីប្រពៃណី ពីការរស់នៅប្រចាំថ្ងៃ ពីការងារប្រចាំថ្ងៃ ។កន្លងមកខេមរសហព័ន្ធការាតេ-ដូធ្លាប់បានទទួលនូវទស្សនៈកិច្ចសិក្សាបែបនេះពីជប៉ុនដែរ ។
លោកអគ្គលេខាធិការបន្តថាការចេញទៅជប៉ុនលើកនេះមិនសំដៅតែលើកីឡាករ-កីឡាការិនីជម្រើសជាតិនោះ
ទេតែសំដៅទៅលើវ័យ និងសីលធម៌ព្រោះលើកនេះត្រូវរស់នៅជាមួយគ្រួសារជប៉ុន ។
