ប្រជាជនឥណ្ឌូណេស៊ី៨០.០០០នាក់ធ្វើបាតុកម្មប្រឆាំងលោកត្រាំ

កាលពីថ្ងៃអាទឹត្យប្រជាជណឥណ្ឌូណេស៊ីប្រមាណ៨០.០០០នាក់បានប្រមូលផ្តុំគ្នានៅកណ្តាលទីក្រុង ហ្សាការតាដើម្បីសំដែងកំហឹងតវ៉ាប្រឆាំងលោកដូណាល់ត្រាំដែលបានសម្រេចទទួលស្គាល់ទីក្រុងយេរូ សាឡេមជារដ្ឋធានីរបស់អ៊ីស្រាអែល។

ពួកបាតុករដែលរៀបចំដោយមេដឹកនាំសាសនាអ៊ីស្លាមដ៏ធំបំផុត ក្នុងប្រទេសឥណ្ឌូណេស៊ី បានប្រមូលគ្នាដើរឆ្ពោះទៅកាន់ស្ថានទូតអាមេរិក។ប៉ូលីសប្រមាណ២០.០០០ នាក់ត្រូវបានដាកពង្រាយដើម្បីការពារក្បួនបាតុកម្មអហឹង្សានេះ។ពួអ្នកតវ៉ាដែលភាគច្រើនស្លៀកសម្លៀកបំពាក់មូស្លឹមបាននាំគ្នាកាន់ទង់ជាតិប៉ាឡេស្ទីននិងបដារថ្កោលទោសលោកត្រាំ៕