ដឹកនាំចាញ់រហូត Leicester City បណ្តេញគ្រូបង្វឹកចេញពីតំណែង

ក្រុមជើងឯកអង់គ្លេសឆ្នាំ២០១៦ Leicester City បានសម្រេចចិត្តបណ្ដេញលោក Craig Shakespeare ដែលទើបកាន់ដំណែងបាន៤ខែចេញពីតំណែងគ្រូបង្វឹកហើយ។

ក្រោយអវត្តមានអ្នកចាត់ការសញ្ជាតិអង់គ្លេសCraig Shakespeare ក្លឹបLeicesterឲ្យជំនួយការលោក Michael Appleton ដឹកនាំក្រុមជាបណ្ដោះអាសន្នរង់ចាំការតែងតាំងថ្មី។

បើតាមប្រភពពី BBC បានបង្ហាញបេក្ខភាពសំខាន់ៗមួយចំនួនដែល Leicester កំពុងចាប់អារម្មណ៍យកមកបំពេញកៅអីដែលទំនេរ ដូចជាលោក Carlo Ancelotti, Sam Allardyce, David Moyes, និងលោក Alan Pardew៕