ភ្នំពេញ ៖ យោងតាមតួលេខស្តីពីចំនួនអ្នកឆ្លង និងស្លាប់ដោយសារវីរុសកូវីដ១៩ ចេញពីគេទំព័រអន្តរជាតិ Worldometer បានបង្ហាញថា គិតត្រឹមម៉ោង៦ និង៣០នាទីព្រឹកថ្ងៃទី៨ ខែធ្នូ ឆ្នាំ២០២០នេះ ចំនួនឆ្លងជំងឺកូវីដ១៩ នៅទូទាំងពិភពលោក បានកើនឡើងដល់៦៧,៨៩៣,៣៦១ករណី ហើយក្នុងនោះមនុស្សសរុប ១,៥៤៩,៥១៦នាក់ស្លាប់ និងជាង៤៦.៩លាននាក់ បានជាសះស្បើយឡើងវិញ។
តួលេខខាងលើបានបញ្ជាក់ថា ត្រឹមតែរយៈពេល២៤ម៉ោង ពិភពលោកទាំងមូលរកឃើញអ្នកឆ្លងសរុប ៤៩២,៧៥១ករណី និងមានមនុស្សជិត ៨ពាន់នាក់ាបានស្លាប់។សូមបញ្ជាក់ផងដែររហូតមកដល់ពេលនេះ សហរដ្ឋអាម៉េរិក ឈរនៅកំពូលតារាងនៃចំនួនអ្នកឆ្លងច្រើនជាងគេ ដែលគិតត្រឹមព្រឹកនេះផងដែរ អាម៉េរិកមានមនុស្សសរុប ១៥,១៥១,០១៨បានឆ្លង, ជាង២៨ម៉ឺននាក់ស្លាប់។
ដោយឡែកព្រឹកថ្ងៃទី៨ ខែធ្នូ ឆ្នាំ២០២០នេះ សហរដ្ឋអាម៉េរិក បានរកឃើញករណីឆ្លងថ្មីសរុប ១៧៤,២៤៣នាក់ និងអ្នកជំងឺជាង ១ពាន់នាក់ បានស្លាប់.ចំណែកឯប្រទេសឥណ្ឌា ឈរបន្ទាប់ពីប្រទេស អាម៉េរិក ដែលរហូតមកដល់ពេលនេះ ឥណ្ឌារកឃើញអ្នកឆ្លងសរុប ៩,៧០៣,៩០៨នាក់ ក្នុងនោះអ្នកើជំងឺជាង១៤ម៉ឺននាក់ បានស្លាប់ និងជាង៩.២លាននាក់ទៀត បានជាសះស្បើយ។ដោយឡែកប្រទេសប្រេស៊ីល ឈរនៅលេខរៀងទី៣ ដែលរហូតមកដល់ពេលនេះ ប្រេស៊ីល រកឃើញអ្នកឆ្លងសរុប ៦,៦២៨,០៦៥នាក់ ក្នុងនោះអ្នកើជំងឺជាង១៧ម៉ឺននាក់ បានស្លាប់ និងជាង៥.៨លាននាក់ទៀត បានជាសះស្បើយ៕
