កីឡាបរទេស ៖ នៅថ្ងៃចន្ទខាងមុខនេះ លទ្ធផលការតវ៉ាក្ដីឱ្យបានលេង UEFA Champions League វិញ របស់ក្រុម Manchester City នឹងប្រកាសចេញជាផ្លូវការហើយ ហើយលោក Pep ផ្ទាល់មានទំនុកចិត្តថានឹងអាចលេង Champions League បាននៅឆ្នាំក្រោយ។
សហព័ន្ធបាល់ទាត់ UEFA បានពិន័យក្រុម Man City មិនឱ្យលេងព្រឹត្តិការណ៍នេះរហូតដល់២ឆ្នាំឯណោះ បន្ទាប់ពីពួកគេរកឃើញថាក្រុមមួយនេះបានប្រើប្រាស់ប្រាក់ច្រើនហួសកម្រិតច្បាប់ចាយវាយ។ មិនត្រឹមតែពិន័យ២ឆ្នាំទេ ពួកគេក៏ត្រូវពិន័យជាប្រាក់២៥លានផោនផងដែរ។
ក្រោយពីទទួលលិខិតពិន័យនេះហើយ ក្រុម Man City ក៏បានប្ដឹងតវ៉ាវិញផងដែរ ដើម្បីគេចផុតពីការពិន័យ។លទ្ធផលនៃការសម្រេចនឹងធ្វើឡើងនៅថ្ងៃចន្ទស្អែកនេះ ខណៈដែលថ្នាក់ដឹកនាំនិងលោក Pep ផ្ទាល់មានទំនុកចិត្តថានឹងទទួលបានលទ្ធផលល្អមិនខាន។ លោក Pep និយាយថា៖ “យើងមានទំនុកចិត្ត ព្រោះយើងមានឯកសារគ្រប់គ្រាន់ដើម្បីឱ្យយើងអាចលេង Champions League បាននៅឆ្នាំក្រោយ”៕
