កម្ពុជាបានសិទ្ធជាម្ចាស់ផ្ទះសំរាប់ប្រកួតប៉េតង់ជើងឯកពិភពលោក

ភ្នំពេញ: សម្ដេចក្រឡាហោមស ខេង ប្រធានសហព័ន្ធកីឡាប៊ូល និង ប៉េតង់កម្ពុជា និង លោកថោង ខុងប្រមុខគណៈកម្មាធិការជាតិអូឡាំពិកកម្ពុជាបានទទួលយកសិទ្ធនៃការធ្វើជាម្ចាស់ផ្ទះសម្រាប់ការប្រកួតនៅឆ្នាំ២០១៩ខាងមុខនេះហើយ ។

ប្រធានសហព័ន្ធអន្តរជាតិបានអះអាងថា មុននឹងព្រឹត្តិការណ៍នេះរៀបចំនៅកម្ពុជាលោកនឹងមកកម្ពុជាម្ដងទៀតដើម្បីជួយបណ្ដុះបណ្ដាលដល់អ្នកបច្ចេកទេសកម្ពុជាពិសេសអាជ្ញាកណ្ដាលនិងចៅក្រមដែជាអ្នកមានភារកិច្ចសំខាន់ជាងគេនៅពេលប្រកួត ។

លោកប៊ូ ជុំសេរីអនុប្រធានកិត្តិយសសហព័ន្ធកីឡាប៊ូល និង ប៉េតង់កម្ពុជាបានបង្ហើបថាប្រសិនបើលោកមាសសារិន និង លោកឯម ហៀងនៅតែបន្តវត្តមានក្នុងសហព័ន្ធទៀតនោះសិទ្ធធ្វើជាម្ចាស់ផ្ទះក្នុងការប្រកួតជើងឯកពិភពលោកនាឆ្នាំក្រោយនឹងត្រូវសហព័ន្ធអន្តរជាតិដកហូតវិញតែម្ថង ។