សម្តេចតេជោ ហ៊ុន សែន អញ្ជើញបើកការដ្ឋានសាងសង់ស្ពានឆ្លងទន្លេមេគង្គថ្មីតភ្ជាប់ពីខេត្តកំពង់ចាម ទៅខេត្តត្បូងឃ្មុំ

0
3528

នៅព្រឹកថ្ងៃសុក្រ ត្រូវនឹងថ្ងៃទី០៩ ខែកុម្ភៈ ឆ្នាំ២០១៨នេះ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា នឹងអញ្ជើញបើកការដ្ឋានសាងសង់ស្ពានឆ្លងកាត់ទន្លេមេគង្គថ្មីមួយទៀតតភ្ជាប់ទឹកដីនៃខេត្តកំពង់ចាម ទៅកាន់ទឹកដីនៃខេត្តត្បូងឃ្មុំ ដែលស្ពាននេះមានឈ្មោះថា «ស្ពានមិត្តភាពកម្ពុជា-ចិនស្ទឹងត្រង់ ក្រូចឆ្នា»។ស្ពានដែលត្រូវសាងសង់នេះគឺចាប់ផ្តើមពីត្រើយខាងលិចស្ថិតនៅត្រង់ចំណុចភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាម ឆ្លងកាត់ទន្លេមេគង្គ ទៅត្រើយខាងកើត ស្ថិតនៅភូមិក្តុលលើ ឃុំទ្រា ស្រុកក្រូចឆ្មារ ខេត្តត្បូងឃ្មុំ ស្ពាននេះមានប្រវែងសរុប ១,១៣១ម៉ែត្រ និងទទឹង ១៣,៥០ម៉ែត្រ ជាប្រភេទស្ពានបេតុងសរសៃដែក។ ដែលត្រូវចំណាយគ្រោងចំណាយថវិកា ចំនួន ៥៦, ៩៩៨ លានដុល្លារអាមេរិក ជាហិរញ្ញប្បទានសម្បទានពីរដ្ឋាភិបាលចិន រួមជាមួយថវិកាបដិភាគ របស់រាជរដ្ឋាភិបាលកម្ពុជា សម្រាប់ដោះស្រាយផលប៉ះពាល់ និងបោសសំអាតយុទ្ធភ័ណ្ឌមិនទាន់ផ្ទុះ។

27658121_1602876376427520_7293537472203508524_n

សម្តេចតេជោ ហ៊ុន សែន បានសំដែងនូវក្តីរីករាយ និងមានមោទនភាពចំពោះសមិទ្ធផលស្ពានថ្មីមួយនេះ ដែលកើតមានឡើងក្នុងស្រុកកំណើតរបស់សម្តេចផ្ទាល់និងជាជំនួយរបស់មិត្តចិន។ការសាងសង់ស្ពានមិត្តភាពកម្ពុជា-ចិនស្ទឹងត្រង់ក្រូចឆ្នាំនេះ គឺស្ពានទី៨ហើយដែលកន្លងមកមិត្តចិនបានជួយសាងសង់ស្ពាន នៅកម្ពុជាចំនួន៧រួច ហើយដូចជា ស្ពានកោះធំនៅខេត្តកណ្តាល ស្ពានជ្រោយចង្វា២ ស្ពានសេកុងខេត្តស្ទឹងត្រែង ស្ពានព្រែកក្តាម ស្ពានព្រែតាម៉ាក់ ស្ពានមេគង្គស្ទឹងត្រែង និងស្ពានព្រែកសំរោងក្រុងតាខ្មៅ។ហើយស្ពានដែលកំពុងបើកការដ្ឋាននេះ មិនមែនជាស្ពានចុងក្រោយទេ រាជរដ្ឋាភិបានត្រូវការស្ពានឆ្លងកាត់ទន្លេចំនួន៣ទៀត ទី១)ស្ពានឆ្លងកាត់ទន្លេសាបជ្រោយចង្វារ ទី២)ឆ្លងកាត់ទន្លសាប ស្វាយជ្រំ ទី៣) ស្ពានទន្លេសាប ក្តីតាកុយ សំរាប់បំរើសេចក្តីត្រូវការ និងការរស់នៅរបស់ប្រជាពលរដ្ឋ។

សម្តេចតេជោនាយករដ្ឋមន្ត្រី បានថ្លែងអំណរគុណចពោះ រដ្ឋាភិបាល និងប្រជាជនចិនដែលកន្លងមកតែងតែជួយមកដល់ប្រទេសកម្ពុជា ក្នុងការកសាងនូវហេដ្ឋារចនាសម្ព័ន្ធ និងវិស័យផ្សេៗទៀតនៅក្នុងប្រទេសកម្ពុជា។ ទំនាក់ទំនងជាមិត្តភាព រវាង កម្ពុជា និងចិន កាន់តែមានភាពជិតស្និទ្ធិ និងរឹងម៉ាំទ្វេឡើង។ នៅឆ្នាំ ២០១៧ កន្លងទៅ កម្ពុជាបានទទួលភ្ញៀវទេសចរណ៍ចិនមានប្រមាណ១លាន ២សែននាក់ ហើយនឹងអាចទទួលបានបានភ្ញៀវទេសចរណ៍ចិន២លាននាក់ក្នុងឆ្នាំនេះ ផងដែរ។

សម្តេចតេជោ បានមានប្រសាសន៍បញ្ជាក់ថាប្រជាពលរដ្ឋនៅទីនេះពិតជាមានការលំបាកក្នុងការរស់នៅនៅពេលដែលមិនទាន់មានស្ពាន ពីព្រោះពេលដែលគាត់ត្រូវឆ្លងកាត់នៅត្រើយម្ខាង គឺត្រូវឆ្លងសាឡាង និងត្រូវចំណាយលុយកាក់យ៉ាងច្រើនផងដែរ។ ក៏ប៉ុន្តែនៅពេលដែលពួកគាត់ទទួលបានស្ពានថ្មីនេះគឺពួកគាត់នឹងមានភាពងាយស្រួលក្នុងការធ្វើដំណើរ ការដឹងជញ្ជូនទំនិញកសិផល និងការទំនាក់ទំនងគ្នាកាន់តែមានភាពល្អប្រសើរឡើង។

ទន្ទឹមនឹងការទទួលបាននូវសមិទ្ធផលស្ពាន និងផ្លូវល្អហើយនោះ សម្តេច តេជោ ហ៊ុន សែន បានអំពាវនាវអោយប្រជាពលរដ្ឋទាំងអស់ចូលរួមគោរពច្បាប់ចរាចរណ៍ បើកបរដោយ មានការប្រុងប្រយ័ត្ន ជាពិសេសពេលស្រវឹងកុំបើកបរ។

មុននឹងបញ្ចប់ សម្តេចតេជោ ហ៊ុន សែន នាយករដ្ឋមន្ត្រី បានជូនពរដល់បងប្អូនប្រជាពលរដ្ឋទាំងអស់ សូម ទទួលបាននូវសេចក្តីសុខចម្រើនគ្រប់ៗគ្នា ហើយបន្ទាប់មក សម្តេចតេជោ បានអញ្ជើញចុចប៊ូតុង និងបញ្ជាគ្រឿងចក្រជានិមិត្តរូបបើកការដ្ឋានសាងសង់ស្ពានមិត្តភាពកម្ពុជា-ចិនស្ទឹងត្រង់ក្រូចឆ្នា ចាប់ពីថ្ងៃនេះតទៅ៕

27858498_1602872589761232_691139441178764718_n

27858522_1602877399760751_8636856179904466401_n

27655056_1602876669760824_6583997728513698295_n

27857860_1602876846427473_878612773183203063_n

27867201_1602876673094157_1147031814785555472_n

Facebook Comments
Loading...