លោក ចាន់ ចេស្តា ផ្លាស់ពីអភិបាលខេត្តកំពត ទៅកាន់ក្របខ័ណ្ឌដើមវិញ

(ភ្នំពេញ)៖ ព្រះករុណា ព្រះបាទសម្តេច ព្រះនរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យត្រាស់បង្គាប់តែងតាំងលោក ជាវ តាយ ជាអភិបាលនៃគណៈអភិបាលខេត្តកំពត នេះបើយោងតាមព្រះរាជក្រឹត្យ ។

ព្រះរាជក្រឹត្យរបស់ព្រះករុណា នៅថ្ងៃទី០២ ខែមករា ឆ្នាំ២០១៨ បានត្រាស់បង្គាប់៖ មាត្រា១៖ «ផ្ទេរភារកិច្ចឯកឧត្តម ចាន់ ចេស្តា ឋានន្តរស័ក្តិឧត្តមមន្រ្តី ថ្នាក់លេខ៤ នៃក្របខ័ណ្ឌមន្រ្តីគ្រប់គ្រងរដ្ឋបាលក្រសួងកសិកម្ម រុក្ខាប្រមាញ់ និងនេសាទ ពីអភិបាល នៃគណៈអភិបាលខេត្តកំពត ឲ្យទៅបម្រើការងារនៅក្របខ័ណ្ឌដើមវិញ»។