នៅតែលក់ចេញបើទោះជាកីឡាករJesse Lingard អាចជួយក្រុមបិសាចក្រហមបានលេងពាន UCL ក៍ដោយ

0
26665

កីឡាបរទេស ៖ កីឡាករ Jesse Lingard អាចនិងក្រុមបិសាចក្រហម Man​chester United លក់ចេញនៅរដូវក្តៅនេះកីឡាករវ័យ ២៧ ឆ្នាំរូបនេះ ហាក់មិនសូវទទួលបានឱកាសលេងច្រើននោះទេ ចាប់តាំងពីក្រុមបានប្រកួតចាញ់ក្រុម Ars​enal ដោយលទ្ធផល ២-០ កាលពីដើមឆ្នាំ។

ក្រុមបិសាចក្រហម Manchester United កំពុងត្រៀមលក់កីឡាករ Jes​se Lingard ចេញនៅរដូវក្តៅនេះ ខណ:ខ្សែបម្រើរូបនេះសង្ឃឹមថានឹងអាចទាក់ទាញការចាប់អារម្មណ៍ពីសំណាក់ក្លឹបដទៃ តាមរយៈការបង្ហាញទម្រង់លេងរបស់គេនៅក្នុងការប្រកួតពានរង្វាន់ Europa League នាពេលខាងមុខនេះ។

គួរបញ្ជាក់ថាកីឡាករវ័យ ២៧ ឆ្នាំរូបនេះ ហាក់មិនសូវទទួលបានឱកាសលេងច្រើននោះទេនៅរដូវកាលនេះ ខណ:នៅសល់ពេលត្រឹមតែមួយឆ្នាំទៀតប៉ុណ្ណោះនៅលើកិច្ចសន្យាតម្លៃ ១០០,០០០ ផោនក្នុងមួយសប្តាហ៍របស់គេនៅឯទឹកដី Old Trafford។

ទោះយ៉ាងនេះក្តីបើយោងតាមរបាយការណ៍ចុងក្រោយពី The Times បានរាយការណ៍កីឡាករដែលកើតចេញពីថ្នាលយុវជនរបស់ក្លឹបរូបនេះ ទំនងនឹងចាកចេញពីទឹកដី Old Trafford ក្រោយមានការចាប់អារម្មណ៍ពីសំណាក់ក្លឹបនានានៅអឺរ៉ុប រួមទាំងក្រុមនៅ Serie A ដូចជា ​AS Roma និងក្រុម Borussia Mon​che​ngladbach នៅប្រទេសអាល្លឺម៉ង់ផងដែរ។

មិនតែប៉ុណ្ណោះវាត្រូវបានគេយល់ទៀតថាក្លឹប Newcastle ក៏បានបង្ហាញការចាប់អារម្មណ៍ផងដែរ ប៉ុន្តែក្លឹបនៅ PL មួយនេះ នឹងរង់ចាំរហូតដល់ការប្រកួតពានរង្វាន់ Europa League បញ្ចប់សិន ដើម្បីធ្វើការសម្រេចចិត្តលើអនាគតរបស់ខ្សែបម្រើរូបនេះជាថ្មី។

ជាក់ស្តែង Lingard មិនបានចូលលេងនៅជម្រើសដំបូងសម្រាប់ក្រុម United ទេ ចាប់តាំងពីពួកគេបានចាញ់ក្រុម Arsenal ដោយលទ្ធផល ២-០ កាលពីដើមឆ្នាំ។ ប៉ុន្តែគេបានលេងជាកីឡាករបម្រុង ហើយរកគ្រាប់បាន ក្នុងអំឡុងយកឈ្នះទៅលើក្រុម Leicester City នៅថ្ងៃចុងក្រោយនៃរដូវកាលនេះ ដែលធានាដល់ក្រុមរបស់គេ ក្នុងការទៅលេងនៅពាន UCL រដូវកាលក្រោយ៕

 

Facebook Comments
Loading...