ស្ងាត់ៗ ខេមរៈ សិរីមន្ត ចាប់ដៃគូជាមួយតារាចម្រៀងថៃ Tik Shiro បង្កើតអាល់ប៊ុមចម្រៀងថ្មីរួមគ្នា!

(ភ្នំពេញ)៖ ថ្មីៗនេះ តារាចម្រៀងសំឡេងធ្ងន់ លោក ខេមរៈ សិរីមន្ត បានចាប់ដៃគូបង្កើតអាល់ប៊ុមចម្រៀងរួមគ្នា ជាមួយនឹងតារាចម្រៀងថៃ លោក Tik Shiro ដោយបានធ្វើសន្និសីទកាសែត នៅទីក្រុងបាងកក ប្រទេសថៃ។

ខណៈដែលបង្ហាញវត្តមានជាភ្ញៀវកិត្តិយស ក្នុងកម្មវិធីព័ត៌មានពេលព្រឹក របស់ទូរទស្សន៍ប៉ុស្តិ៍លេខ៣ ថៃនោះ បានប្រកាសជាសាធារណៈថា លោក ខេមរៈ សិរីមន្ត និងតារាចម្រៀង Tik Shiro បានសហការរួមគ្នា បង្កើតអាល់ប៊ុមចម្រៀងថ្មីមួយ និងច្រៀងរួមគ្នាក្នុងបទ «Sad Man» ដែលនឹងមានចេញក្នុងពេលឆាប់ៗខាងមុខនេះ។