ភ្នំពេញ៖ ក្រសួងអប់រំយុវជននិងកីឡាបានដាក់បញ្ជូលកីឡាចំនួន២៧ប្រភេទឲ្យចូលរួមប្រកួតក្នុងនោះ សហព័ន្ធកីឡាតេក្វាន់ដូITFកម្ពុជា បានដាក់វិញ្ញសាធំចំនួន៦ សម្រាប់ចូលរួមប្រកួតដែលប្រព្រឹត្តទៅចាប់ពីថ្ងៃទី២៥ ខែឧសភា ដល់ថ្ងៃទី០៥ ខែមិថុនា ឆ្នាំ២០១៨ ។
នេះជាលើកទី១សម្រាប់សហព័ន្ធកីឡាតេក្វាន់ដូITFដែលបានចូលរួម ក្នុងព្រឹត្តិការណ៍នៃការប្រកួតកីឡាជាតិលើកទី២ ឆ្នាំ២០១៨ ដោយមានការឯកភាពពីក្រសួងអប់រំយុវជននិងកីឡានូវវិញ្ញាសាដែលសហព័ន្ធបញ្ជូលដាក់ចូលរួមគឺមាន៦វិញ្ញាសាធំៗ។
វិញ្ញាសាធំចំនួន៦ គឺ វិញ្ញាសាមេគុនឯកត្តជនបុរសមានចំនួន៤ វិញ្ញាសាឯកត្តជនបុរស (ខ្សែក្រវ៉ាត់ក្រោមខ្មៅ) វិញ្ញាសាឯកត្តជនបុរស (ខ្សែក្រវ៉ាត់ខ្មៅ) វិញ្ញាសាឯកត្តជនបុរស (ខ្សែក្រវ៉ាត់ខ្មៅ១ដាន់ និងវិញ្ញាសាឯកត្តជនបុរស (ខ្សែក្រវ៉ាត់ខ្មៅ២ដាន់) រីឯវិញ្ញាសាមេគុនឯកត្តជន នារី មានចំនួន៣គឺវិញ្ញាសាឯកត្តជននារី (ខ្សែក្រវ៉ាត់ក្រោមខ្មៅ) វិញ្ញាសាឯកត្តជននារី (ខ្សែក្រវ៉ាត់ខ្មៅ) និងវិញ្ញាសាឯកត្តជននារី (ខ្សែក្រវ៉ាត់ខ្មៅ១ដាន់)។
