មឿន សុខហ៊ុច និង ពុទ្ធ ឆាយរិទ្ធីត្រៀមខ្លួនទទួលភ្ញៀវថៃលើសង្វៀនកណ្ដាប់ដៃដែកCNC

ភ្នំពេញ: មឿន សុខហ៊ុចវិញត្រូវជួបជាមួយអ្នកប្រដាល់ថៃឈ្មោះNamkhakboun Toungprasathin ដោយប្រកួតគ្នាក្នុងប្រភេទទម្ងន់៦៥គីឡូក្រាម លើសង្វៀនកំពូលអ្នកប្រយុទ្ធកណ្ដាប់ដៃដែករបស់CNC នៅវេលាថ្ងៃត្រង់ថ្ងៃទី២១មករា ។

សុខហ៊ុចមានប្រវត្តិប្រកួតចំនួន១០៦ដង ឈ្នះ៧៧ដង ចាញ់២៤ដងស្មើពិន្ទុ៥ដង និង ធ្លាប់វាយគូប្រកួតឲ្យសន្លប់បានចំនួន១៧ដង ។ចំពោះ Namkhakboun Toungprasathinគេមានប្រវត្តិប្រកួតចំនួន១០១ដងឈ្នះ៧៤ដង ចាញ់២៤ដងស្មើពិន្ទុ៣ដង និង វាយគូប្រកួតឲ្យសន្លប់១៥ដង ។

សុខហ៊ុចមួយរយៈចុងក្រោយនេះកម្លាំងរបស់គេក៏ឆាប់ធ្លាក់ចុះដែរ ឯ អ្នកប្រដាល់ថៃNamkhakboun Toungprasathinវិញគេធ្លាប់ចូលរួមប្រកួតក្នុងព្រឹត្តិការណ៍ខ្សែក្រវាត់នៅស្រុកខ្មែរគេមិនអន់ឡើយចាំមើលនរណាជាអ្នកទទួលបានសំណាងល្អពីការប្រកួតនេះ ?

ចំណែកពុទ្ធ ឆាយរិទ្ធី មិនសូវមានពេលសម្រាកទេគឺគេទទួលយកការប្រកួតស្ទើរតែរាល់សប្ដាហ៍តែម្ដង ។ អ្នកប្រដាល់ដែលមានប្រវត្តិប្រកួតចំនួន៨៥ដង ឈ្នះ៥៩ដង ចាញ់២៣ដងស្មើពិន្ទុ៣ដង និងវាយគូប្រកួតឲ្យសន្លប់បានចំនួន១៧ដងរូបនេះត្រូវតស៊ូជាមួយអ្នកប្រដាល់ថៃ Norng O Leangraseut ដោយប្រកួតគ្នាក្នុងប្រភេទទម្ងន់៦៧គីឡូក្រាម ។

Norng O Leangraseut រូបនេះអាចនិយាយបានថានេះជាលើកដំបូងហើយដែលគេមកប្រកួតនៅស្រុកខ្មែរ គេមានប្រវត្តិប្រកួតចំនួន៨៥ដង ឈ្នះ៦០ដង ចាញ់២២ដងស្មើពិន្ទុ៣ដង និង ធ្លាប់វាយគូប្រកួតឲ្យសន្លប់បានចំនួន១៣ដង ។

រិទ្ធីនិយមប្រើជង្គង់ និង កែងដើម្បីផ្ដួលគូប្រកួតតែកម្លាំងរបស់គេតស៊ូបានត្រឹម៣ទឹកគឺដាប់ហើយ ។ចំពោះ Norng O Leangraseutមិនដឹងថាគេមានរបៀបវ៉ៃយ៉ាងណានោះទេការប្រកួតនេះមិនដឹងថានរណាឈ្នះឡើយ ។