សម្តេចវិបុលសេនាភក្តី សាយ ឈុំ ផ្ញើលិខិតថ្លែងអំណរគុណសម្តេចតេជោ ហ៊ុន សែន និងសម្តេចពញាចក្រី ហេង សំរិន ដែលផ្ញើសាររំលែកមរណទុក្ខចំពោះមហាឧបាសក គង់ ខាត់

ភ្នំពេញ៖ សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃកម្ពុជា ព្រមទាំងក្រុមគ្រួសារ បានផ្ញើលិខិតថ្លែងព្រះអំណរគុណពីរផ្សេងគ្នា ជូនចំពោះសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងសម្តេចពញាចក្រី ហេង សំរិន ប្រធានរដ្ឋសភានៃកម្ពុជា ដែលសម្តេចទាំងពីរ បានចូលរួមរំលែកទុក្ខដ៏ក្រៀមក្រំ ដល់សម្តេច និងក្រុមគ្រួសារ នៃសពមហាឧបាសក គង់ ខាត់ ដែលបានទទួលមរណភាព នៅថ្ងៃអាទិត្យ វេលាម៉ោង៥៖៣៦នាទី ទៀបភ្លឺ ថ្ងៃទី០៧ ខែមករា ឆ្នាំ២០១៨នេះ ក្នុងជន្មាយុ១០១ឆ្នាំ។