សមុទ្រឈាមនឹងកើតឡើងភ្លាម បើអាមេរិកហ៊ានវាយបំផ្លាញកូរ៉េខាងជើងមែននោះ

តាមវេបសាយRTបានឲ្យដឹងថា លោកSergey Lavrovរដ្ឋមន្ត្រីការបរទេសរុស្សីបានធ្វើការព្រមានថា៖ ប្រសិនបើយោធាអាមេរិកធ្វើសកម្មភាពប្រឆាំងកូរ៉េខាងជើងមែននោះវាគឺជាកំហុសមួយដ៏ធ្ងន់ធ្ងរណាស់។ លោកបន្ថែមទៀតថា វានឹងជម្រុញឲ្យកូរ៉េខាងជើងហ៊ានធ្វើសកម្មភាពយ៉ាងកំព្រើលត្រឡប់មកវិញជាពិសេសគឺទៅលើកូរ៉េខាងត្បូងដែលនៅក្បែរខាងនោះតែម្តង។

ប្រសិនបើអ្នកចង់ធ្វើសង្គ្រាមជាមួយកូរ៉េខាងជើងដូចដែលតំណាងសហរដ្ឋអាមេរិកនិយាយនៅក្នុងអង្គការសហប្រជាជាតិកន្លងទៅមែននោះខ្ញុំគិតថាពួកគេកំពុងប្រឡែងលេងនឹងភ្លើងហើយ ហើយនេះជាកំហុសមួយធ្ងន់ណាស់។ជាការពិត សមុទ្រឈាមមួយនឹងកើតឡើងហើយ៕