ទីក្រុងប៊ែរឡាំងនឹង មិនគាំទ្រសំណើរបស់បារាំងក្នុងការបញ្ជូនទ័ពរបស់ខ្លួនទៅអ៊ុយក្រែននោះទេ

0
154

បរទេស ៖ ទីក្រុងប៊ែរឡាំងនឹង មិនគាំទ្រសំណើរបស់បារាំងក្នុងការបញ្ជូន គ្រូបស្ចិមប្រទេស ទៅអ៊ុយក្រែន ដើម្បីបណ្តុះបណ្តាល កងទ័ពរបស់ខ្លួនឡើយ ដោយទីក្រុងប៊ែរឡាំងធ្លាប់បានបញ្ជាក់ យ៉ាងច្បាស់រួចហើយក្នុងអំឡុងពេលការចរចានៅទីក្រុងប្រ៊ូសែលនេះបើយោងតាមការចេញផ្សាយ របស់ RT ។

របាយការណ៍មុននេះ បាននិយាយថា ប្រធានាធិបតីបារាំងលោក Emmanuel Macron បាននិងកំពុងព្យាយាមបង្កើត ក្រុមចម្រុះដែលមានបំណង ដាក់ពង្រាយអ្នកឯកទេស ដើម្បីបណ្តុះបណ្តាលយោធា អ៊ុយក្រែននៅលើដី។

លោក Macron បានបញ្ជាក់ថា នៅក្នុងសន្និសីទសារព័ត៌មាន មួយកាលពីថ្ងៃសុក្រ ដោយបន្ថែមថា ប្រទេសជាច្រើនបានយល់ព្រម ចូលរួមកិច្ចខិតខំប្រឹ ងប្រែងរួចហើយ។យោងតាមព័ត៌មានដដែល តាមការបញ្ជារបស់ប្រធានាធិបតីបារាំង នាយសេនាធិការនៃកងទ័ពបារាំង ឧត្តមសេនីយ Thierry Burkhard បានសរសេរទៅកាន់ សហសេវិកណាតូមួយចំនួន កាលពីសប្តាហ៍មុន ដោយអញ្ជើញពួកគេ ឱ្យចូលរួមក្នុងបេសកកម្មហ្វឹកហ្វឺន នៅប្រទេសអ៊ុយក្រែន ដែលជាផ្នែកនៃ សម្ព័ន្ធនៃឆន្ទៈនិង ពហុជាតិ។

ទោះជាយ៉ាងណា ក៏ដោយ អាល្លឺម៉ង់ មិនត្រូវបានរាប់បញ្ចូល ក្នុងការបញ្ជូននោះទេ ព្រោះរដ្ឋាភិបាលក្រុង ប៊ែរឡាំងធ្លាប់បានបញ្ជាក់ យ៉ាងច្បាស់រួចហើយក្នុងអំឡុងពេលការចរចានៅទីក្រុងប្រ៊ូសែលថា ទាហានអាល្លឺម៉ង់ នឹងមិនចូលរួមក្នុងបេសកកម្ម នៅលើទឹកដីអ៊ុយក្រែនជាដាច់ខាត៕

Facebook Comments
Loading...