ភ្នំពេញ ៖ កីឡាករជើងខ្លាំងសួន ចាន់នី អ្នកប្រដាល់របស់ក្លិបបក្សីស្លាបដែក ឡើងតតាំងសាកស្នៀតគុននិងកីឡាករឌុម កែវដា អ្នកប្រដាល់មកពីក្លិបម្កុដរាជសីហ៍ ខណៈកីឡាករជើងខ្លាំងធន់ អៀនឡៃ អ្នកប្រដាល់សមាគមកីឡាប្រដាល់ក្រសួងការពារជាតិ ជួបជាមួយកីឡាករស្រករក្រោយរិន ដេវីត អ្នកប្រដាល់នៃក្លិបនាគរាជចតុមុខ ក្នុងលក្ខណៈមិត្តនៅលើសង្វៀនស៊ីអិនស៊ី នាថ្ងៃអាទិត្យទី១២ ខែមេសា ឆ្នាំ២០២០នេះ។
កីឡាករសួន ចាន់នី ត្រូវជួបជាមួយកីឡាករឌុម កែវដា ក្នុងប្រភេទទម្ងន់៦៣.៥គីឡូក្រាម អ្នកទាំងពីរមិនធ្លាប់ជួបគ្នាទេកន្លងមក តែកីឡាករទាំងពីរធ្លាប់ប្រឡូកនៅសង្វៀនច្រើនលើកដូចគ្នា ពិសេសជួបជាមួយកីឡាករបរទេស។ កីឡាករសួន ចាន់នី មួយរយៈចុងក្រោយនេះក្នុងពិភពប្រដាល់ គ្មានអ្នកណាមិនស្គាល់ស្នាដៃ និងកេរ្តិ៍ឈ្មោះរបស់គេនោះឡើយ ជាក់ស្ដែងនៅលើសង្វៀនស្ទើរគ្រប់ប៉ុស្ដិ៍សួន ចាន់នី ពេលឡើងប្រកួតម្តងៗមិនថាតែប្រកួតដណ្តើមខ្សែក្រវ៉ាត់ឫប្រកួតលក្ខណមិត្តភាពទេគឺ តែងតែ ប្រកួតមិនលាក់កម្លាំងនោះឡើយ។
ស្របគ្នាដែលកីឡាករសួន ចាន់នី ឡើងរេញពេលណាក៏បានបង្ហាញភាពខ្លាំងហើយដណ្ដើមបានជ័យជម្នះលើ គូប្រកួតជាច្រើនផងនោះ ទើបកាន់តែធ្វើឲ្យកីឡាកររូបនេះ ជាប់ឈ្មោះក្នុងបញ្ជីអ្នកខ្លាំងស្រករក្រោយផងដែរ។ អ្នកប្រដាល់មានដៃវែងជើងវែងសូត្រ ប៊ុនធី ជាអ្នកប្រដាល់ជើងខ្លាំងទម្ងន់មធ្យមប្រចាំកម្ពុជាម្នាក់នាពេលបច្ចប្បន្នដែល ធ្លាប់ប្រកួតជាមួយអ្នកប្រដាល់បរទេសជាច្រើននាក់មកហើយ គឺឈ្នះច្រើនជាងចាញ់ព្រោះស្នៀតក្បាច់គុណខ្មែរបុរាណរបស់គេ ខ្លាំងទាំងព្រមតែម្តង ហើយវាយមិនមានអំនួតនិងមិនខ្លាចគូរប្រកួតណាម្នាក់នោះទេ។
រីឯកីឡាករ ឌុម កែវដា បច្ចុប្បន្នក៍កំពុងទទួល បានការគាំទ្រយ៉ាងច្រើនកុះករ ពីអ្នកស្នេហាវិស័យកីឡាប្រដាល់កម្ពុជា ជាមួយនឹងការចេះប្រើក្បាច់គ្រប់ស្នៀត ជាពិសេសរូបគេចូលចិត្តប្រើស្នៀតកណ្តាប់ដៃនិងកែង ដើម្បីផ្ដួលគូប្រកួតរបស់ខ្លួន រួមផ្សំជាមួយកម្លាំងស៊ុហ្វដ៍ខ្លាំងរបស់គេផងនោះ ធ្វើឲ្យកីឡាករក្នុងស្រុក និងក្រៅស្រុកត្រូវបានចុះចាញ់ជាបន្តបន្ទាប់។ ក្នុងការប្រកួតនេះក៍ត្រូវបានអ្នកវិភាគប្រដាល់អះអាងថា ឌុម កែវដា មានសង្ឃឹមឈ្នះហាសិបភាគរយប៉ុណ្ណោះ។ ចាំមើលកីឡាករឌុម កែវដា ជាអ្នកឈ្នះឬកីឡាករសួន ចាន់នី?។
ដោយឡែកកីឡាករជើងខ្លាំងវ័យក្មេង ធន់ អៀងឡៃ បច្ចុប្បន្នកំពុងទទួល បានការគាំទ្រយ៉ាងច្រើនកុះករ ពីអ្នកស្នេហាវិស័យកីឡាប្រដាល់កម្ពុជាផងដែរ។ ក្រុមអ្នកតាមដានកីឡាប្រដាល់និយាយថា កីឡាករ ធន់ អៀងឡៃ មួយរយៈចុងក្រោយនេះកំពុងក្តោបក្តាប់សំណាងឈ្នះម្តងហើយម្តងទៀត ស្ទើរតែគ្រប់ការប្រកួតតែម្តង ខណៈដែលសំណាងដែលកីឡាកររូបនេះទទួលបាននោះ គឺមិនមែនបានដោយភាពចៃដន្យនោះទេ ប៉ុន្តែគឺបានមកពីសមត្ថភាពពិតៗតែម្តង។
គូប្រកួតទាំងជើងចាស់ និងជើងថ្មី សុទ្ធតែទទួលស្គាល់ថាធន់ ចាន់តាក់ ពិតជាពិបាកផ្តួល និងកំពុងធ្វើឱ្យពួកគេក្លាយជាអ្នកចាញ់ជាបន្តបន្ទាប់ ក្នុងការប្រកួតមិត្តភាពជាតិនិងអន្តរជាតិ។ ក្នុងការជួបប្រកួតជាមួយកីឡាកររិន ដេវីត នេះត្រូវបានអ្នកវិភាគប្រដាល់អះអាងថា ធន់ អៀងឡៃ ប្រាកដជាឈ្នះទៀតជាក់ជាមិនខាន ព្រោះគេកំពុងតែឡើងកូដខ្លាំង ហើយណាមួយកីឡាកររិន ដេវីត ជាកីឡាករស្រករក្រោយ ទើបនិងឡើងជើងដូចនេះមិនអាចឈ្នះរៀបច្បងបាននោះទេ។ ចាំមើលកីឡាករធន់ អៀងឡៃ អាចយកឈ្នះលើកីឡាកររិន ដេវីត បានដែរឫយ៉ាងណា?៕
