ភ្នំពេញ ៖ សពបុរសម្នាក់មិនស្គាល់អត្តសញ្ញាណ ត្រូវគេប្រទះឃើញកាលពីវេលាម៉ោង៩និង២០នាទី ថ្ងៃទី១២ ខែកុម្ភៈ ឆ្នាំ២០២០ ដែលចង.ក នឹងខ្សែនីឡុង ទៅនឹងដើមក្រខុបស្លាប់យ៉ាងអាណោចអធម ហើមស្អុយរលួយមើលលែងស្គាល់ នៅក្នុងដីឡូទ៍ មួយកន្លែង ក្នុងក្រុម៨ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រជាធានីភ្នំពេញ។
សមត្ថកិច្ច បានប្រាប់ឲ្យដឹងថា នៅវេលាម៉ោង ៩និង២០នាទីយប់ ថ្ងៃទី១២ ខែកុម្ភៈ ឆ្នាំ២០២០កម្លាំងសមត្ថកិច្ចយើងបានទទួលដំណឹងពីប្រជាពលរដ្ឋមកថា បានប្រទះឃើញសពបុរសម្នាក់ចង.ក ស្លាប់នៅក្នុងដីឡូត៍មួយកន្លែង។ ក្រោយពីបានទទួលដំណឹងនេះហើយ កម្លាំងសមត្ថកិច្ច ប៉ុស្តិ៍ និងខណ្ឌបានចុះមកដល់កន្លែងកើតហេតុ រួចហៅប៉ូលិសបច្ចេកទេសទៅពិនិត្យ។
សមត្ថកិច្ច បានបន្តថា សពបុរសពាក់អាវពណ៌ ស ដៃវែង ស្លៀកខោ មានវ័យចន្លោះពី២០ ទៅ៣០ឆ្នាំ ត្រូវបានប្រទះឃើញចង.កស្លាប់នៅក្នុងព្រៃដើមក្រខុបក្នុងដីឡូត៍។ តាមការពិនិត្យជាក់ស្តែង សាកសពបុរសរងគ្រោះ មានសភាពហើមស្អុយរលួយមើលលែងស្គាល់ទៅហើយ អាចប្រហែលស្លាប់រយៈពេល១៥ថ្ងៃហើយ៕
