ភ្នំពេញ ៖ កីឡាករកម្ពុជា៣នាក់មានកីឡាករធើន ធារ៉ា អ្នកប្រដាល់នៃក្លិបក្រសួងកសិកម្ម កីឡាករសួន ចាន់នី អ្នកប្រដាល់របស់ក្លិបបក្សីស្លាបដែក និងកីឡាករតាញ់ មករា អ្នកប្រដាល់សមាគមកីឡាប្រដាល់ក្រសួងការពារជាតិ កៀកស្មារគ្នាស្វាគមន៍កីឡាករថៃផ្លាំងនុម ប៉.យុទ្ធភូមិ កីឡាករយ៉តផេត ស័ក្តឆ័យយុង និងកីឡាករថៃភិតប៉ែតស៊ែន នៅលើសង្វៀនស៊ីអិនស៊ី នាថ្ងៃសៅរ៍ទី២៨ ខែធ្នូ ឆ្នាំ២០១៩នេះ។
កីឡាករធើន ធារ៉ា ជួបជាមួយកីឡាករថៃផ្លាំងនុម ប៉.យុទ្ធភូមិ ក្នុងប្រភទទម្ងន់៦៩គីឡូក្រាម អ្នកទាំងពីរមិនធ្លាប់ជួបគ្នាទេកន្លងមក តែកីឡាករថៃម្នាក់នេះធ្លាប់មកប្រកួតនៅស្រុកខ្មែជាច្រើនលើកមកហើយមានឈ្នះ មានចាញ់ជាមួយកីឡាករលំដាប់ៗរបស់កម្ពុជា ស្នៀតខ្លាំងរបស់គេគឺជង្គង់ ជើងទាត់កាត់ និងស្នៀតកាច់ផ្តួលគូប្រកួតឲ្យដួលទាំងជំហរ។
ចំណែកកីឡាករធើន ធារ៉ា បន្ទាប់ពីគេមានឈ្មោះល្បីនៅស្រុកថៃ និងក្នុងប្រទេសបានមួយរយៈមកគេអាក់ខានលែងបានប្រកួត តែពេលនេះគេបានប្តូរក្លិបមកហាត់នៅស្រុកខ្មែរហើយដោយហាត់ជាមួយលោកគ្រូអេភូថង ហាក់មិនសូវអាចបញ្ចេញភាបខ្លាំងរបស់គេដូចមុន។ ធើន ធារ៉ា កាលពីនៅល្បីស្នៀតខ្លាំងរបស់គេ កែង កណ្តាប់ដៃ និងជើងទាត់កាត់ ហើយគេមានកម្ពស់ខ្ពស់ជាអំណោយផលក្នុងការវាយលក្ខណគុនខ្មែរទៀតផង។ ចាំមើរវាងធើន ធារ៉ា និងផ្លាំងនុម ប៉.យុទ្ធភូមិ នរណាជាអ្នកឈ្នះ?។
រីឯកីឡាករសួន ចាន់នី ត្រូវជួបជាមួយកីឡាករថៃឈ្មោះ យ៉តផេត ស័ក្តឆ័យយុង ក្នុងប្រភេទទម្ងន់៦៣.៥គីឡូក្រាម អ្នកទាំងពីរមិនធ្លាប់ជួបគ្នាទេកន្លងមក ហើយមិនទាន់ដឹងថាកីឡាករថៃម្នាក់នេះមានវិជ្ជាគុនខ្លាំងប៉ុណ្ណានោះទេ តែបើកីឡាករកម្ពុជាសួន ចាន់នី វិញមួយរយះចុងក្រោយនេះក្នុងពិភពប្រដាល់ គ្មានអ្នកណាមិនស្គាល់ស្នាដៃ និងកេរ្តិ៍ឈ្មោះរបស់គេនោះឡើយ ជាក់ស្ដែងនៅលើសង្វៀនស្ទើរគ្រប់ប៉ុស្ដិ៍សូត្រ ប៊ុនធី បានឡើងប្រកួតឈានមកដល់គូឯកដែលជាគូទស្សន៍ទាយ និងជាគូដណ្តើមខ្សែក្រវាត់ទៀតផងហើយ មិនដែលលក់តម្លៃខ្លួនក្នុងការប្រកួតទេកន្លងមកនោះទេ។ ចាំមើលកីឡាករសួន ចាន់នី ជាអ្នកឈ្នះឬកីឡាករថៃយ៉តផេត ស័ក្តឆ័យយុង?។
ដោយឡែកកីឡាករស្រករក្រោយតាញ់ មករា គេនឹងត្រូវជួបប្រកួតជាមួយអ្នកប្រដាល់ថៃឈ្មោះភិតប៉ែតស៊ែន ក្នុងប្រភេទទម្ងន់៦០គីឡូក្រាម។ តាញ់ មករា គេក៏ជាអ្នកប្រដាល់ជើងខ្លាំងមួយរូប ក្នុងចំណោមអ្នកប្រដាល់ស្រករក្រោយដូចគ្នា ដែលអ្នកតាមដានកីឡាប្រដាល់កម្ពុជាកំពុងតែចាប់អារម្មណ៍ចំពោះស្នៀតគុនរបស់កីឡាកររូបនេះ ដែលឡើងប្រកួតម្តងៗធ្វើឲ្យអ្នកទស្សនាជក់ចិត្តជាខ្លាំងនោះ។
តាញ់ មករា ជាអ្នកប្រដាល់ដែលមានកណ្ដាប់ដៃ និងកម្លាំងជើងទាត់ខ្លាំង តែមិនសូវសំបូរច្ចេកទេសនិងល្បិចកលប្រកួតប៉ុន្មានឡើយ ក៍ប៉ុន្តែគេមានកម្លាំងស៊ុហ្វខ្លាំង។ ពីមុនមករាគេវ៉ៃអាងតែលើកម្លាំងបាយតែប៉ុណ្ណោះ តែមួយរយះមកគេវាយចេញដោយកណ្តាប់ដៃដាល់ត្រូវចំគោលដៅបានច្រើន មួយៗតែធ្ងន់ចំណែក ឯការពាររបស់គេ ក៏បានល្អនិងរឹងមាំផងដែរ។ ចាំមើលរវាងធន់ មករា ជាអ្នកឈ្នះឫកីឡាករថៃភិតប៉ែតស៊ែន?៕
