អាជ្ញាធរជាតិអប្សរាកំពុងដំណើរការគម្រោងរៀបចំក្រាលក្ដារលើឫសឈើនៅប្រាសាទតាព្រហ្ម

2
197372

អាជ្ញាធរជាតិអប្សរា នៅថ្ងៃទី៦ ខែមីនា បានដំណើរការគម្រោងរៀបចំក្រាលក្ដារឈើ តាមឬសឈើធំៗ និងនៅតាមវង់ទស្សនារបស់ភ្ញៀវទេសចរ នៅប្រាសាទតាព្រហ្ម។ តាមការប៉ាន់ស្មាន គម្រោងនេះអាចនឹងបញ្ចប់នៅមុនរដូវវស្សាមកដល់។ 

ក្រុមការងារនៃនាយកដ្ឋានគ្រប់គ្រងព្រៃឈើ បរិស្ថាន និងទេសភាពវប្បធម៌ នៃអាជ្ញាធរជាតិអប្សរា កំពុងញាប់ដៃញាប់ជើង រៀបចំក្រាលក្ដារនៅជុំវិញឬសឈើនៅប្រាសាទតាព្រហ្ម។ គេដឹងហើយថា ដើមឈើធំៗ និងឬសធំៗ ដែលមានវ័យចំណាស់នៅប្រាសាទតាព្រហ្ម គឺជាផ្នែកមួយដ៏ទាក់ទាញសម្រាប់ភ្ញៀវទេសចរជាតិ និងអន្ដរជាតិ។ ពួកគេតែងផ្តិតយកទិដ្ឋភាពទាំងនោះ នៅពេលបានមកដល់ប្រាសាទម្តងៗ។

ជាមួយនឹងកំណើនទេសចរជាច្រើនមកដល់ប្រាសាទតាព្រហ្ម វាក៏បានបង្កហានិភ័យផងដែរ។ ហានិភ័យត្រង់ភ្ញៀវទេសចរបានដើរជាន់ឬសឈើនៅក្រោមដីដោយមិនដឹងខ្លួន ដែលវានឹងបង្អាក់ដំណើរលូតលាស់របស់ដើមឈើទាំងនោះ។

លោក យិន សូវ៉ាត អនុប្រធាននាយកដ្ឋានគ្រប់គ្រងព្រៃឈើ បរិស្ថាន និងទេសភាពវប្បធម៌ ដែលកំពុងដឹកនាំក្រុមការងាររៀបចំកម្រាលក្ដារនៅប្រាសាទតាព្រហ្ម បានថ្លែងថា គោលបំណងនៃការរៀបចំនេះ គឺដើម្បីបង្កើនការលូតលាស់របស់ដើមឈើ និងថែរក្សាបរិស្ថានជុំវិញឱ្យបានល្អប្រសើរឡើងវិញ។ តាមការបញ្ជាក់របស់មន្រ្តីព្រៃឈើ ទីតាំងឬសឈើចំនួន៦កន្លែង ដែលគ្រោងក្រាលក្ដារ និងនៅតាមវង់ទស្សនាប្រវែងជាង៤០០ម៉ែត្របន្ថែមទៀត។

តាមការបញ្ជាក់របស់លោក យិន សូវ៉ាត ឈើដែលយកមកប្រើប្រាស់នេះជាប្រភេទឈើគគីរ ដែលតាមការប៉ាន់ស្មានសរុបប្រហែលជាង ៧០ម៉ែត្រគីប ដែលវាអាចរក្សាគុណភាពបានពី៦ ទៅ៧ឆ្នាំ។ ក្រុមការងារកំពុងមមាញឹករៀបចំគម្រោងនេះ ដោយរំពឹងថា វានឹងរួចរាល់នៅមុនរដូវវស្សា ឬមុនកិច្ចប្រជុំអាយស៊ីស៊ី-អង្គរ នៅក្នុងខែមិថុនា ខាងមុខ៕

Facebook Comments
Loading...

2 COMMENTS

  1. With havin so much content do you ever run into any
    issues of plagorism or copyright violation? My site has a lot of unique content I’ve either
    created myself or outsourced but it looks like a lot of it is popping it up all over the web without my agreement.
    Do you know any techniques to help reduce content
    from being stolen? I’d genuinely appreciate it.

LEAVE A REPLY

Please enter your comment!
Please enter your name here