Man Utd ហ៊ានថែម Mkhitaryan និងលុយសុទ្ធ70លានផោន ដើម្បីយក Paulo Dybala

ក្លឹបសេះបង្កង Juventus បានបដិសេធចោលការដេញថ្លៃរបស់ក្លឹបបិសាចក្រហម Man Utd ដែលបានផ្តល់ 70លានផោន និងថែមកីឡាករ Mkhitaryan ជាថ្នូរ សំរាប់ដោះដូរយកកីឡាករ Paulo Dybala។

យោងតាមប្រភពពត៍មាន The Sun បានឲ្យដឹងថា ម្ចាស់ជើងឯករបស់អ៊ីតាលី ក្លឹបJuventus មិនមានចំណាប់អារម្មណ៍ចង់បានខ្សែបម្រើ Mkhitaryan នោះទេ។ ក៏ប៉ុន្តែJuventus បានដាក់លក់ Paulo Dybala ជាលុយសុទ្ធក្នុងតំលៃ 87លានផោន បើសិនជាក្លឹបណាមួយចង់បាន។

ក្លឹប Man Utd បានបោះបង់ការចង់បានកីឡាករសញ្ជាតិបារាំង Antoine Griezmann ហើយ ក្រោយពីកីឡាករមិនព្រមមកកាន់ក្លឹបកាលពីដើមរដូវកាល ដូច្នេះក្លឹបការប្តូរទិសដៅសំលឹងមើល Dybala វិញ ព្រោះកីឡាកររូបនេះក៏មានស្ទាយលេងដូចទៅនឹង Griezmann ផងដែរ ថែមទាំងមានតំលៃថោកជាងទៀតផង៕