ភ្នំពេញ ៖ លើកឡើងក្នុងកិច្ចប្រជុំគណបក្សខណ្ឌបឹងកេងកង នៅថ្ងៃទី០៤ ខែមករា ឆ្នាំ២០២៤នេះ លោកសុខ សម្បត្តិ ប្រធានគណកម្មាធិការគណបក្សខណ្ឌបឹងកេងកង បានមានប្រសាសន៍ថា យើងខិតខំណាស់ដែលបានជោគជ័យរហូតមកដល់ពេលនេះ ដូចនេះមិនត្រូវប្រលែងដៃនោះទេ គឺត្រូវរួបរួមសាមគ្គីគ្នា និងខិតខំបន្តទៀត ដើម្បីប្រទេសជាតិមានសុខសន្តិភាព ស្ថិរភាព និងមានការអភិវឌ្ឍរីកចំរើនលើគ្រប់វិស័យដូចសម័យបច្ចប្បន្ននេះ។
លោកប្រធានបន្តទៀតថា បើទោះជាការបោះឆ្នោតអសកលដែលនិងចូលមកដល់នាពេលខាងមុខនេះ ក៍ដោយក៍យើងចូលរួមខិតខំប្រឹងប្រែងទាំងអស់គ្នាបន្តទៀត ដោយត្រូវក្តាប់សភាពការណ៍ក្នុងមូលដ្ឋានឲ្យបានល្អ បន្តតាមដានសកម្មជនគណបក្សផ្សេងៗពីសកម្មភាពដែលពួកគេបានធ្វើ និងធ្វើរបាយការណ៍ជូនគណបក្សខណ្ឌដើម្បីមានវិធានការទាន់ពេលវេលា កុំបណ្តែតបណ្តោយទុកឲ្យមានរឿងហើយទើបយើងទប់ស្កាត់ឲ្យសោះ។
លោកបញ្ជាក់ថា សុខសន្តិភាពពិតជាមានសារៈសំខាន់ណាស់ ដែលធ្វើឲ្យបងប្អូនប្រជាពលរដ្ឋ បានរស់នៅជាមួយភាពសុខដុមរមនា គ្រប់ជាតិសាសន៍ គ្មានការរើសអើង និងទទួលបានសិទ្ធពេញលេញ ក្នុងការគោរពប្រតិបបត្តិជំនឿសាសនា និងទទួលបាននូវកិច្ចគាំពារសង្គមដ៍ទូលំទូលាយ និងស្មើរភាពគ្នា។
ជាចុងក្រោយលោកប្រធានគណៈកម្មការគណៈបក្សប្រជាជនកម្ពុជាខណ្ឌបឹងកេងកង លោកក៍បានលើកឡើងពី គណៈបក្សប្រជាជនកម្ពុជាដែលតែងតែដឹងសុខដឹងទុក្ខ ពីមន្ត្រីបក្សក៍ដូចជាប្រជាពលរដ្ឋគ្រប់កាលៈទេសជានិច្ច មិនដែលរត់ចោលប្រជាពលរដ្ឋឡើយ ហើយយើងមានថ្ងៃនេះក៍ដោយសារគណបក្សប្រជាជនកម្ពុជា ដូចនេះយើងត្រូវជួយគ្នាយើងជាមុនសិន មុននិងជួយអ្នកដទៃ មន្ត្រីតាំងពីថ្នាក់ភូមិ សង្កាត់ និងខណ្ឌ បើមានការលំបាកផ្នែកជីវភាពត្រូវរាយការមកគណបក្សប្រជាជនកម្ពុជាខណ្ឌ យើងនិងជួយតាមលទ្ធភាព ពិសេសមន្ត្រីដែលមានទីលំនៅឆ្ងាយៗ។
គួរបញ្ជាក់ថា ក្នុងកិច្ចប្រជុំនោះផងដែរក៍បានលើកឡើងពីចំនួនអ្នកចូលរួមបុណ្យ៧មករា ដែលក្នុងខណ្ឌបឹងកេងកងសរុបទាំងអស់ចំនួន១១០០នាក់ មានកាន់ទង់ជាតិ និងគណបក្សប្រជាជនកម្ពុជា សម្លៀកបំពាក់សំរម្យ និងប្រធាន អនុប្រធានទាំងអស់ត្រូវប្រាប់សមាជិករបស់ខ្លួនកុំចាកចេញពីកន្លែងពិធីមុនកម្មវិធីចប់ឲ្យសោះ ព្រោះមិនយូទេកម្មវិធីនិងចប់ក្រោយបង្ហោះប៉េងប៉ោងប្រមាន១៥នាទី ឬ៣០នាទីតែប៉ុណ្ណោះ៕
