បកស្បែកមុខ ឪពុកកំហូច ធ្វើរឿងនេះដាក់កូនស្រីបានសម្រេច៤ដង ចិត្តសឿងហ៊ាន នាំកូនស្រីទៅប្តឹងនឹងបង្គាប់ឲ្យកុហក់សមត្ថកិច្ច ចោទអ្នកផ្សេងថាធ្វើបាបនាងទៅវិញ

0
290

ខេត្តសៀមរាប ៖ បុរសម្នាក់ បានធ្វើសកម្មភាពចាប់រំលោភកូនស្រីបង្កើតរបស់ខ្លួន បានសម្រេចជាបន្តបន្ទាប់ សរុប ៤ដង លុះក្រោយមក ក៏បែកគំនិតនាំកូនស្រីទៅប្តឹងប៉ូលិស ដោយបង្គាប់ឱ្យកូនស្រីចោទប្រកាន់ទៅលើអ្នកផ្សេង ចំនួន២នាក់ ថាជាអ្នកចាប់រំលោភទៅវិញ ដោយគំរាមកូនស្រីថា បើមិនធ្វើតាម និងសម្លាប់ចោល ទីបំផុតទង្វើរអាក្រក់ មិនអាចបិទបាំងបាន ក៏បែកធ្លាយការពិត ជាទង្វើររបស់ឪពុកកំហូច ប៉ូលីស ចាប់វាយ ខ្នោះ កសាងសំណុំរឿងបញ្ជូនទៅ តុលាការចាត់ការតាមច្បាប់។

លោក វរសេនីយ៍ឯក លឹម សម្បត្តិ  អធិការនៃអធិការដ្ឋានកនគរបាលស្រុកប្រាសាទបាគង បានឲ្យដឹងតាមរយះផេកផ្លូវការរបស់ លោក ឲ្យដឹងកាលពី ថ្ងៃទី១៨ ខែកកដ្តាឲ្យដឹងថា ជនសង្ស័យដែល ត្រូវសមត្ថកិច្ចចាប់ឃាត់ខ្លួននោះ មានឈ្មោះ ឆ ឆុំ អាយុ៣៨ឆ្នាំ មុខរបរកសិករ មានលំនៅ ភូមិសូភី ឃុំកន្ទ្រាំង ស្រុកប្រាសាទបាគង។ ចំណែកក្មេងស្រីរងគ្រោះ មានអាយុ១៤ឆ្នាំ មុខរបរសិស្ស មានលំនៅក្នុងភូមិកើតហេតុខាងលើ។

តាមប្រភពពីសមត្ថកិច្ច បានឱ្យដឹងថា មុនពេលកើតហេតុ ជនសង្ស័យឈ្មោះ ឆ ឆុំ បានធ្វើសកម្មភាពចាប់រំលោភកូនស្រីបង្កើតខ្លួនឯង (ក្មេងស្រីរងគ្រោះ) ជាបន្តបន្ទាប់ បានសម្រេចដល់ទៅ ៤លើក ដោយលើកចុងក្រោយ បានប្រព្រឹត្តនៅផ្ទះរបស់ជនសង្ស័យ ស្ថិតក្នុងភូមិសូភី ឃុំកន្ទ្រាំង ស្រុកប្រាសាទបាគង នៅវេលាម៉ោងប្រមាណ ៧យប់ ថ្ងៃទី០២ ខែកក្កដា ឆ្នាំ២០២២។ ក្រោយមក ដោយខ្លាចបែកការ នាំឱ្យខ្លួនជាប់ពាក់ព័ន្ធនឹងទោសទណ្ឌ ទើបជនសង្ស័យជាឪពុក បានបែកគំនិតនាំកូនស្រី (ក្មេងស្រីរងគ្រោះ) ទៅដាក់ពាក្យបណ្តឹង ឱ្យសមត្ថកិច្ចជួយអន្តរាគមន៍ ប៉ុន្តែមុននាំកូនស្រីទៅប្តឹង ជនសង្ស័យជាឪពុក បានបង្គាប់កូនស្រី ឱ្យចោទប្រកាន់ទៅលើអ្នកផ្សេង ចំនួន២នាក់ ថាបានចាប់រំលោភនាង ដោយសម្លុតគំរាមថា បើកូនស្រី មិនព្រមធ្វើតាមសម្តីរបស់ខ្លួនទេនោះ ខ្លួននឹងសម្លាប់ចោល ទើបធ្វើឱ្យកូនស្រី មានការភ័យខ្លាច ព្រមធ្វើតាមបង្គាប់បញ្ជារបស់ឪពុក។

ប្រភពដដែល បន្តថា រហូតមកដល់ថ្ងៃទី១៣ ខែកក្កដា ឆ្នាំ២០២២ ជនសង្ស័យជាឪពុក បាននាំកូនស្រីរបស់ខ្លួន (ក្មេងស្រីរងគ្រោះ) មកដាក់ពាក្យបណ្តឹងនៅអធិការដ្ឋាននគរបាលស្រុកប្រាសាទបាគង ដោយពេលនោះ ក្មេងស្រីរងគ្រោះ បានរៀបរាប់ប្រាប់សមត្ថកិច្ចថា មានមនុស្សប្រុស ចំនួន២នាក់ បានចាប់រំលោភនាង។ បន្ទាប់ពីទទួលបានពាក្យបណ្តឹងខាងលើ សមត្ថកិច្ចជំនាញ បានបើកការស្រាវជ្រាវ និងសាកសួរក្មេងស្រីរងគ្រោះ រហូតដល់បែកធ្លាយការពិត ដោយក្មេងស្រីរងគ្រោះ បានទម្លាយថា តាមពិត រូបនាងត្រូវបានឪពុកបង្កើត ជាអ្នកចាប់រំលោភ តែគាត់បាននាំនាងមកប្តឹងប៉ូលិស រួចបង្គាប់ឱ្យចោទទៅលើមនុស្សផ្សេង ២នាក់ ថាជាអ្នកចាប់រំលោភទៅវិញ បើមិននិយាយប្រាប់សមត្ថកិច្ចតាមសម្តីគាត់ប្រាប់ទេ នោះឪពុកនឹងវាយសម្លាប់នាង (ក្មេងស្រីរងគ្រោះ) ចោលមិនខាន។

ក្រោយពីទទួលបានការបំភ្លឺពីជនរងគ្រោះ ទើបសមត្ថកិច្ចបានសម្រេចឃាត់ខ្លួនជនសង្ស័យ ជាឪពុក ដើម្បីសាកសួរ និងត្រូវបានជនសង្ស័យ ព្រមឆ្លើយសារភាពថា ខ្លួនពិតជាបានធ្វើសកម្មភាពចាប់រំលោភក្មេងស្រីរងគ្រោះ ជាកូនបង្កើតខ្លួនឯងប្រាកដមែន ប៉ុន្តែដោយសារខ្លាចជាប់គុក ទើបនឹកឃើញវិធីបង្គាប់កូនស្រី ឱ្យឆ្លើយចោទប្រកាន់ទៅលើមនុស្ស ២នាក់ផ្សេង ជាអ្នករំលោភទៅវិញ។ ជនសង្ស័យ ត្រូវបានកម្លាំងនគរបាលស្រុក សហការជាមួយផែនការងារប្រឆាំងការជួញដូរមនុស្សនិងការពារអនីតិជន កសាងសំណុំរឿង បញ្ជូនទៅតុលាការ ដើម្បីចាត់ការតាមផ្លូវច្បាប់រួចរាល់ហើយ៕

Facebook Comments
Loading...