កីឡាបរទេស ៖ ក្រុម Leister City ខកឱកាសមានពិន្ទុស្មើរជាមួយក្រុម Spurs ២១ពិន្ទុ ដែលបានធ្វើការប្រកួតពានរង្វាន់ Premier League ដោយចាញ់ក្រុម Fulham សម្រាប់សប្ដាហ៍ទី១០ ក្នុងទឹកដីខ្លួនឯងក្នុងលទ្ធផល១ទល់និង២ ហើយលោក Rodgers បាននិយាយថាលោកមិនមើលតារាងឡើយ លុះត្រាសល់៥ប្រកួតចុងក្រោយ។
ក្រុមរបស់លោក Rodgers ខកឱកាសទទួលបាន២១ពិន្ទុស្មើជាមួយក្រុមកំពូលតារាងSpurs ហើយដោយចាញ់ក្រុមFulham សម្រាប់សប្ដាហ៍ទី១០ក្នុងទឹកដីខ្លួនឯងក្នុងលទ្ធផល១ទល់និង២។ ខណៈដែលក្រុមមួយនេះកាលពីដើមរដូវកាលកន្លងទៅ អ្នកគាំទ្ររំពឹងថានឹងអាចបង្កើតប្រវត្តិសាស្ត្រម្ដងទៀត ឈ្នះពានរង្វាន់ដូចកាលឆ្នាំ២០១៦ដែរ។
ចំពោះរដូវកាលនេះដែរ លោក Rodgers អ្នកចាត់ការក្រុមបាននិយាយថា៖ “ពេលអ្នកមានបទពិសោធ អ្នកនឹងដឹងថានឹងត្រូវធ្វើយ៉ាងណានៅ៥ប្រកួតចុងក្រោយ។ពេលបើករដូវកាលតែងតែរវល់ជានិច្ច ខ្ញុំសប្បាយចិត្តនៅពេលឃើញកីឡាករអាចលេងបានទាំងនៅ Premier League និង Europe ។ គំនិតរបស់យើងគឺពង្រឹងសមត្ថភាពក្រុម ហើយរឿងចំណាត់ថ្នាក់នៅតាមក្រោយ។ ខ្ញុំនឹងមិនមើលតារាងឡើយ លុះត្រាសល់៥ប្រកួតចុងក្រោយ”៕
