កីឡាបរទេស ៖ ការប្រកួតរវាងក្រុមមបាល់ទាត់ជម្រើសជាតិបារាំង និងក្រុមព័រទុយហ្គាល់ លទ្ធផលគេមិនសូវចាប់អារម្មណ៍ប៉ុន្មានឡើយ តែអ្វីដែលអ្នកគាំទ្រចាប់អារម្មណ៍ក្នុងការប្រកួតនេះគឺ ការជួបគ្នារវាង Mbappe និងRonaldo ទៅវិញទេ ដែលមុនការប្រកួតចាប់ផ្ដើម អ្នកទាំងពីរបានជជែកគ្នា ដោយបន្សល់នៅស្នាមញញឹម សើចសប្បាយខ្លាំងមែនទែន នៅលើទីលាន។
ក្រុមបាល់ទាត់ជម្រើសជាតិបារាំង លេងបានត្រឹមស្មើជាមួយក្រុមព័រទុយហ្គាល់ក្នុងលទ្ធផល ០-០ ប៉ុណ្ណោះក្នុងការប្រកួតបានរង្វាន់ UEFA Nations League នៅយប់មិញនេះ។
ក្រុមការពារតំណែងជើងឯកព័រទុយហ្គាល់នៅតែបង្ហាញទម្រង់លេងល្អរបស់ខ្លួនបានដដែល ត្បិតអីប៉ះជាមួយក្រុមខ្លាំងជើងឯក World Cup 2018 ក៏ដោយ។ ជំនួបក្រុមកំពូលទាំងពីរនេះ ហាក់ធ្វើឱ្យអ្នកគាំទ្រស្រងាកចិត្តបន្តិចដែរ ព្រោះថាមិនមានគ្រាប់បាល់កើតឡើងនោះទេ ដោយបញ្ចប់ទៅក្នុងលទ្ធផល ០-០ ប៉ុណ្ណោះ។
អ្វីដែលអ្នកគាំទ្រចាប់អារម្មណ៍ក្នុងការប្រកួតនេះគឺ ការជួបគ្នារវាង Mbappe និង Ronaldo ទៅវិញទេ។ មុនការប្រកួតចាប់ផ្ដើម អ្នកទាំងពីរបានជជែកគ្នាបន្តិចដែរ ដោយបន្សល់នៅស្នាមញញឹម សើចសប្បាយខ្លាំងមែនទែន។ ខណៈដែលកីឡាករបារាំង Mbappe វិញ បានបង្ហោះរួបគេជាមួយ Ronaldo និងអមជាមួយពាក្យថា Idol មានម្កុដ GOAT ថែមទៀតផង៕
