កីឡាបរទេស ៖ កីឡាករខ្សែប្រយុទ្ធ Edinson Cavani មិនអាចចូលជួយក្រុមបីសាចក្រហម Manchester Man Utd លេងទល់ក្រុម Newcastle United នៅថ្ងៃទី១៧ ខែតុលា ឆ្នាំ២០២០នេះទេ ហើយក៏ទំនងជាមិនអាចចូលលេងឱ្យMan Utd ក្នុងការប្រកួតទល់ក្រុម PSG ពានរង្វាន់ UEFA Champions League បានដែរ ព្រោះមិនមានពេលគ្រប់គ្រាន់។
ក្រុមMan Utd នៅថ្ងៃចុងក្រោយនៃទីផ្សារដោះដូរកីឡាករ ពួកគេបានចុះកុងត្រាយក Cavani អតីតខ្សែប្រយុទ្ធ PSG មករួមក្រុម ដើម្បីពង្រឹងតំបន់ប្រយុទ្ធ។ ខ្សែប្រយុទ្ធ Edinson Cavani នឹងត្រូវនៅដោយឡែក១៤ថ្ងៃសិន មុនពេលអាចចូលហាត់ជាមួយសមាជិកក្រុម Manchester United បាន។
តែគួរឱ្យសោកស្ដាយ កីឡាកររូបនេះ ធ្វើដំណើរមកពីបារាំង ហើយក៏ត្រូវដាក់នៅដោយឡែក១៤ថ្ងៃសិនដែរ តាមដាន Covid-19 មុនពេលអាចចូលហាត់បានជាធម្មតាវិញ។ កត្ដានេះហើយ ទើបធ្វើឱ្យរូបគេ មិនអាចចូលជួយក្រុម Man Utd លេងទល់ក្រុម Newcastle United នៅថ្ងៃទី១៧ ខែតុលា ឆ្នាំ២០២០នេះទេ។ មួយវិញទៀត កីឡាករវ័យ៣៣ឆ្នាំរូបនេះ ក៏ទំនងជាមិនអាចចូលលេងឱ្យMan Utd ក្នុងការប្រកួតទល់ក្រុម PSG ពានរង្វាន់ UEFA Champions League បានដែរ ព្រោះមិនមានពេលគ្រប់គ្រាន់ទេ ទម្រាំតែចប់ការនៅដោយឡែក១៤ថ្ងៃនោះ៕
