កីឡាបរទេស ៖ កីឡាកខ្សែបម្រើប្រយុទ្ធ James Rodriguez បានសម្រេចផ្ទេរទៅលេងឱ្យក្រុម Everton ជាផ្លូវការហើយ ក្នុងកុងត្រា២ឆ្នាំ តម្លៃខ្លួន២០លានផោន បន្ទាប់ពីលេងនៅ Real Madrid ហាក់ដូចជាមិនជោគជ័យឡើយ ក្រោយផ្លាស់មកពីក្រុមMonaco មករួមជាមួយក្រុម Real Madrid នៅឆ្នាំ២០១៤កន្លងទៅ។
លោក Carlo Ancelotti អ្នកចាត់ការក្រុម Everton ចង់បាន James យូរមកហើយដែរ ប៉ុន្តែចរចាមិនត្រូវតម្លៃជាមួយក្រុម Real Madrid ឡើយ។ ទើបតែចប់រដូវកាលមុនកន្លងទៅនេះ ទើបក្រុម Everton ស្នើសុំទិញជាថ្មីទៀត ហើយក៏ត្រូវគ្នាតែម្ដង ក្នុងតម្លៃខ្លួន២០លានផោន។ កីឡាករកូឡុំបីខាងលើនេះ ធ្លាប់ធ្វើការជាមួយ Carlo ម្ដងមកហើយ កាលនៅ Real Madrid ជាមួយគ្នា។កីឡាករវ័យ២៩ឆ្នាំខាងលើនេះ ផ្លាស់ពីក្រុម Monaco មករួមជាមួយក្រុម Real Madrid នៅឆ្នាំ២០១៤កន្លងទៅ បន្ទាប់ពីរូបគេលេងបានយ៉ាងល្អនៅ World Cup 2014 ។ តែមកលេងនៅ Real Madrid ហាក់ដូចជាមិនជោគជ័យឡើយ ដោយត្រូវ Bayern Munich ខ្ចីជើង មុនពេលត្រលប់មក Real Madrid វិញ និងមិនមានឱកាសលេងសោះរដូវកាលមុនក្រោមការដឹកនាំរបស់លោក Zidane៕
