កីឡាបរទេស ៖ កីឡាករRaheem Sterling ខ្សែបម្រើប្រយុទ្ធរបស់ក្រុម Manchester City ម្នាក់ផងដែរ ដែលភ័យខ្លួនបន្ទាប់ពីបានចូលរួមខួបកំណើតអតីតកីឡាកររត់ប្រណាំង Usain Boltដែលក្រោយកម្មវិធីជប់លៀងម្ចាស់កម្មវិធីបានរកឃើញថាឆ្លងមេរោគ Covid-19។
អតីតកីឡាកររត់ប្រណាំង Usain Bolt បានរកឃើញថាឆ្លងមេរោគ Covid-19 ក្រោយពីរៀបចំពិធីជប់លៀងធំមួយ អបអរខួបកំណើត៣៤ឆ្នាំរបស់គេ។ក្នុងកម្មវិធីជប់លៀងដែលមានអ្នកចូលរួមយ៉ាងច្រើនកុះករកាលពីសប្ដាហ៍មុននោះ គឺមិនមានតម្រូវឱ្យការពារខ្លួនដោយពាក់ម៉ាស់ ឬរក្សាគម្លាតសង្គមអ្វីនោះទេ។ គ្រប់គ្នាដែលចូលរួមសុទ្ធតែផឹកស្រា ច្រៀងរាំយ៉ាងសប្បាយរីករាយ ហើយជាលទ្ធផលស្រាប់តែរកឃើញថាម្ចាស់ខួប Bolt បានឆ្លងមេរោគ Covid-19 ទៅហើយ។ បច្ចុប្បន្នរូបគេកំពុងសម្រាកព្យាបាលដោយឡែកពីគេ។
ដោយលែកសម្រាប់កម្មវិធីខាងលើនេះដែរ ក៏មានវត្តមានរបស់ Raheem Sterling កីឡាកររបស់ក្រុម Manchester City ម្នាក់ផងដែរ ដែលបានទៅចូលរួម។ មិនទាន់មានប្រភពណាបញ្ជាក់ថាក្រៅពី Bolt ហើយនៅមាននរណាទៀតដែលស្ថិតក្នុងកម្មវិធីជប់លៀងនោះ មានឆ្លងមេរោគ Covid-19 នៅឡើយទេ៕
