កីឡាបរទេស ៖ ក្រុមបិសាចក្រហម Manchester United ត្រូវការតែ១ពិន្ទុទៀតប៉ុណ្ណោះក្នុងការប្រកួតចុងក្រោយ ទល់Leicester City ដើម្បីមានកៅអីលេង Champions League នារដូវកាលក្រោយនេះ។
ក្រុម Man Utd លេងស្មើក្រុម West Ham នៅយប់មិញនេះក្នុងលទ្ធផល ១-១។ ដោយសារតែ Chelsea លេងចាញ់ Liverpool ក្នុងលទ្ធផល ៥-៣ ដែរនោះ បានធ្វើឱ្យក្រុមរបស់លោក Solskjaer មានឱកាសចាប់យកចំណាត់ថ្នាក់លេខ៣ក្នុងតារាង Premier League ទៅហើយ ស្របពេល Chelsea ធ្លាក់ទៅលេខ៤វិញ និង Leicester City លេខ៥។
ដោយសារតែពិន្ទុប្រដេញគ្នាខ្លាំង ហើយប្រកួតចុងក្រោយក្រុម Man Utd ត្រូវប៉ះ Leicester City ផងនោះ ទើបបានជាក្រុមបិសាចក្រហមមិនអាចភ្លាត់ចាញ់បាននោះទេ។ ប្រកួតនេះដែរ ពួកគេត្រូវការតែស្មើយក១ពិន្ទុទៀតប៉ុណ្ណោះ ដើម្បីមានឱកាសបានកៅអី UEFA Champions League សម្រាប់រដូវកាលក្រោយ ព្រោះ Leicester City នៅលេខ៥ មាន៦២ពិន្ទុ ស្របពេល Man Utd លេខ៣ និង Chelsea នៅលេខ៤នោះ មាន៦៣ពិន្ទុដូចគ្នា៕
