កីឡាបរទេស ៖ ខណៈដែលអង់គ្លេសគ្រប់គ្រងមេរោគ Covid-19 បានហើយនោះ លោក Boris Johnson នាយករដ្ឋមន្ត្រីអង់គ្លេស បានប្រកាសថាខែតុលាខាងមុខនេះ ក្លឹបទាំងអស់អាចឱ្យអ្នកគាំទ្រចូលទស្សនាការប្រកួតបាល់ទាត់បានហើយ។
ការប្រកាសនេះធ្វើឡើងក្រោយពីការប្រកួតលីគអង់គ្លេសបើកដំណើរការបញ្ចប់រដូវកាលដោយលេងបិទទ្វា។ ខណៈដែលអង់គ្លេសគ្រប់គ្រងមេរោគ Covid-19 បានហើយនោះ ពួកគេក៏ចាប់ផ្ដើមគម្រោងសម្រាប់អ្នកគាំទ្រចូលទស្សនាវិញផងដែរ។ ដោយរដូវកាលក្រោយនេះ នឹងមានអ្នកគាំទ្រអាចចូលមើលបាល់ទាត់បានហើយ។
បើតាមលោក Boris Johnson នាយករដ្ឋមន្ត្រីអង់គ្លេសបញ្ជាក់ថា៖ “ចាប់ពីខែក្រោយទៅ យើងនឹងចាប់ផ្ដើមពីគម្រោងបើកឱ្យអ្នកគាំទ្រចូលទស្សនារបស់យើង យើងនឹងចាប់ផ្ដើមពីការប្រកួតដែលអាចបើកឱ្យអ្នកគាំទ្រចូលតិចៗសិន ហើយកីឡដ្ឋានធំៗនឹងអាចធ្វើបាននៅខែតុលាខាងមុខ”៕
