កីឡាបរទេស ៖ ក្រុម Real Madrid នឹងត្រូវប្រកួតជាមួយក្រុម Villarreal នៅម៉ោង២រំលងអាធ្រាត្រីនេះ ដែលជាការប្រកួតសប្ដាហ៍ទី៣៧នៃលីគកំពូលអេស្ប៉ាញ La Liga សម្រាប់ការប្រកួតនៅយប់នេះដែរលោក Zidane អ្នកចាត់ការក្រុម Real Madrid បាននិយាយថា៖ “វាមិនមែនជាអ្វីដែលខ្ញុំចង់ឬអត់នោះទេ បើឈ្នះយប់នេះយើងលើកពានមិនខ្វល់ពីក្រុមផ្សេងឡើយ។
សម្រាប់ការប្រកួតនេះដែរ ប្រសិនបើក្រុម Real Madrid អាចយកឈ្នះបាននោះពួកគេនឹងក្លាយជាជើងឯកតែម្ដង ដោយមិនខ្វល់ពីលទ្ធផលរបស់ Barcelona ឡើយ។ តែបើករណីក្រុម Barcelona ឈ្នះ ហើយក្រុម Real Madrid ស្មើឬចាញ់ នោះពួកគេនឹងត្រូវរង់ចាំមើលការប្រកួតចុងក្រោយទៀត ដែលប៉ះក្រុម Leganes។ សម្រាប់ការប្រកួតនៅយប់នេះដែរ លោក Zidane អ្នកចាត់ការក្រុម Real Madrid បាននិយាយថា៖ “វាមិនមែនជាអ្វីដែលខ្ញុំចង់ឬអត់នោះទេ។ យើងចង់ឈ្នះនៅយប់នេះ យើងនឹងប្រឹងប្រែងឱ្យអស់ពីលទ្ធភាព ហើយយើងក៏ដឹងថា Villarreal ក៏ចង់ឈ្នះដូចគ្នា។ ខ្ញុំមិនទាន់មានអារម្មណ៍ថាយើងជាជើងឯកនៅឡើយទេ ព្រោះគ្រប់យ៉ាងសុទ្ធតែអាចកើតឡើង”៕
