កីឡាបរទេស ៖ អ្នកប្រដាល់ជើងចាស់ Evander Holyfield កំពុងសម្រុកហ្វឹកហាត់ជាខ្លាំងនៅសប្ដាហ៍នេះ ដើម្បីសម្រេចបំណងឡើងប្រកួតជាមួយ Mike Tyson ម្ដងទៀត ក្នុងអាយុជាង៥០ឆ្នាំ ដែលបានធ្វើឲ្យអ្នកគាំទ្រសរសើរថាវ័យចាស់ហើយ តែនៅខ្លាំងដដែល។
មិនខុសពីកីឡាករជើងចាស់ Holyfield នោះឡើយMike Tyson មួយរយៈចុងក្រោយនេះ ហ្វឹកហាត់និងបង្ហោះវីដេអូជាច្រើនដែលធ្វើឱ្យអ្នកគាំទ្រសរសើរថាវ័យចាស់ហើយ តែនៅខ្លាំងដដែល។ ការសម្រុកហាត់នេះ ត្រូវបានគេដឹងថា លោកនឹងឡើងសង្វៀនម្ដងទៀតក្នុងការប្រកួតសប្បុរសធម៌មួយ ដោយអាចប៉ះជាមួយ Holyfield ទៀតផង។
ដោយឡែកសម្រាប់ Holyfield វិញ ក៏សម្រុកហាត់វិញដូចគ្នា។ លោកបាននិយាយថាចង់ឡើងសង្វៀនប្រកួតម្ដងទៀត ដោយប៉ះជាមួយដៃគូចាស់ដែលធ្លាប់ខាំស្លឹកត្រចៀកលោកគឺ Mike Tyson។ អ្នកប្រដាល់វ័យ៥៧ឆ្នាំបាននិយាយថា៖ “នេះជាប្រកួតដែល អ្នកគ្រប់គ្នាចង់ឃើញខ្លាំង”៕
