ភ្នំពេញ ៖ កីឡាករជើងខ្លាំងទម្ងន់មធ្យមមឿង សុខហ៊ុច អ្នកប្រដាល់ពុទ្ធសេរីវង្សពោធិសែនជ័យកីឡា និងកីឡាករម៉ឺន មេឃា អ្នកប្រដាល់របស់ក្លិបអេភូថងកីឡា ឡើងដើម្បីដណ្តើមប្រាក់លាន ជាមួយកីឡាករជើងខ្លាំងថៃនីល វ៉.ស៊ុងងនឺន និងកីឡាករថៃបល្ល័ងនុម ឡេកហ្គាស៊ី នៅលើសង្វៀនស៊ីអិនស៊ី នាថ្ងៃសៅរ៍ទី៣០ ខែមីនា ឆ្នាំ២០១៩នេះ។
កីឡាករមឿង សុខហ៊ុយ ដែលត្រូវជួបជាមួយកីឡាករជនជាតិថៃនីល វ៉.ស៊ុងងនឺន ក្នុងប្រភេទទម្ងន់៦៥គីឡុក្រាម អ្នកទាំង២នាក់នេះមិនដែលជួបគ្នាទេនាពេលកន្លងមក ក្នុងការដណ្តើមប្រាក់លាននេះ ស្នៀតខ្លាំងរបស់កីឡាករថៃគឺជើងទាត់កាត់ ជង្គង់ និងស្នៀតកាច់ផ្តួលឲ្យគូប្រកួតដួលទាំងជំហ៊។
បច្ចប្បន្ននេះមឿង សុខ ហ៊ុច ត្រូវបានគេមើលឃើញថា ឡើងប្រកួតរៀងរាល់សប្តាហ៍តែម្តង នៅតាមបណ្តាសង្វៀនទួរទស្សន៍នានាក្នុងប្រទេសកម្ពុជា ជាមួយកីឡាករអន្តរជាតិជាច្រើននាក់ដែលមានលទ្ធផលគួរឲ្យសសើរ ដោយឈ្នះច្រើនជាងចាញ់ជាមួយយកឈ្នះពិន្ទុនិងផ្តួលគូប្រកួតជាបន្តបន្ទាប់មកនោះ។ មឿង សុខហ៊ុច គេមានកាយសម្បទារឹងមាំ ព្រមទាំងមានស្នៀតកែង និងជង្គង់ ដែលធ្វើឲ្យគូរប្រកួតរបស់ខ្លួន ពិបាកទប់ទល់ និងជាស្នៀតសម្រាប់ផ្ដួលគូរប្រកួតដ៍អស្ចារទៀតផង។ ការវាយចេញរបស់សុខហ៊ុច ធ្ងន់ហើយរហ័ស ជាពិសេសស្នៀតជើងទាត់ និងជង្គង់ របស់គេខ្លាំងណាស់អាចបញ្ចេញបានភ្លាមៗស្របជាមួយដៃតែម្តង។ ប៉ុន្តែយ៉ាងណា មឿង សុខហ៊ុច ក៏មានចំណុចខ្សោយខ្លះដែរ គឺត្រង់វាយចេញហើយមិនសូវការពាវិញនោះទេដែលធ្វើឲ្យដៃគូប្រកួតឆាប់ដឹងពីចំណុចខ្សោយទាំងនេះ។ ចាំមើលមឿង សុខហ៊ុច អាចយកឈ្នះ កីឡាករថៃនីល វ៉.ស៊ុងងនឺន នេះដណ្តើមបានប្រាក់លានឬយ៉ាងណា?។
ដោយឡែកកីឡាករម៉ឺន មេឃា ត្រូវជួបជាមួយកីឡាករថៃបល្ល័ងនុម ឡេកហ្គាស៊ី ក្នុងប្រភេទទម្ងន់៦០គីឡូក្រាម អ្នកទាំងពីរមិនធ្លាប់ជួបគ្នាទេកន្លងមក ហើយមិនទាន់ដឹងថាកីឡាករថៃម្នាក់នេះមានវិជ្ជាគុនខ្លាំងប៉ុន្មាននោះដែរ តែយ៉ាងណាកីឡាករថៃភាគច្រើនស្នៀតខ្លាំងរបស់ពួកគេគឺជើងទាត់កាត់ ជង្គង់ និងស្នៀតកាច់ផ្តួលឲ្យគូប្រកួតដួលទាំងជំហ៊។
ចំណែកកីឡាករម៉ឺន មេឃា មួយរយៈពេលចុងក្រោយនេះ គេមើលឃើញថា អ្នកប្រដាល់វ័យក្មេងរូបនេះប្រកួតស្ទើរគ្រប់សង្វៀន និងទទួលបានជ័យជំនះជាហូរហែផងដែរ។ កីឡាករវ័យក្មេងរូបនេះមិនទាត់ដឹងថាខ្លួនឯងមានស្នៀតខ្លាំងណាមួយ ឬឲ្យច្បាស់ដូចឪពុកនៅឡើយទេ ប៉ុន្តែធ្លាប់ឮម្ដាយរបស់គេសរសើរថាស្នៀតទាត់គឺដូចគ្នាទៅនិងឪពុកអាតីតអ្នកប្រដាល់ជើងខ្លាំងលោកអេ ភូថង តែនៅស្រាលជាងបន្តិច។ អ្នកលេងគុនខ្មែរវ័យក្មេងខាងលើ ប្រាប់ពីចំណុចខ្វះខាតរបស់ខ្លួនដែរថា គួរត្រូវពង្រឹងស្នៀតចាប់ឡាំជង្គង់ឲ្យបានច្រើនជាងនេះ ព្រោះនៅខ្សោយ។ ចាំមើលរវាងម៉ឺន មេឃា និងកីឡាករថៃបល្ល័ងនុម ឡេកហ្គាស៊ី នរណាជាអ្នកឈ្នះដណ្តើមបានប្រាក់លាននេះ?៕
