ក្រសួងការបរទេសម៉ិចស៊ីកូបានលើកឡើងថា ការដកខ្លួនរបស់អាមេរិកចេញពី UNHRC មិនអាចលើកលែងទីក្រុងវ៉ាស៊ីនតោន ពីការបំពេញកាតព្វកិច្ចអន្តរជាតិរបស់ខ្លួន ទាក់ទិននឹងបញ្ហានៃការលើកកម្ពស់ ព្រមទាំងការពារសិទ្ធិមនុស្សដូចប្រទេសដទៃៗទៀតនោះឡើយ។ ការដើរចេញពីស្ថាប័នអន្តរជាតិនេះ គឺសហរដ្ឋអាមេរិកមិនមែនរួចខ្លួនពីការទំនួលខុសត្រូវក្នុងការគោរពប្រតិបត្តិសិទ្ធិមនុស្ស ទាំងនៅក្នុងប្រទេសរបស់ខ្លួន និងនៅទូទាំងសកលលោកនោះឡើយ។
គួរជម្រាបថា លោកស្រី នីកគី ហាឡេយ៍ (Nikki Haley) អគ្គរដ្ឋទូតអាមេរិកប្រចាំ UN នៅថ្ងៃអង្គារសប្ដាហ៍នេះ បានប្រកាស ដកសហរដ្ឋអាមេរិក ចេញពីក្រុមប្រឹក្សាសិទ្ធិមនុស្ស UN ដោយចោទថា ស្ថាប័នមួយនេះមានភាពលម្អៀង ពុតត្បត់ និងបម្រើតែផលប្រយោជន៍ខ្លួនឯង ព្រមទាំងអនុវត្តន៍ស្ដង់ដារពីរប្រឆាំងនឹងអ៊ីស្រាអែល៕
Facebook Comments
Loading...
