ប្រដាល់ ៖ បន្ទាប់ពិផ្លាត់ស្នៀតចាញ់ពីរបីប្រកួតជាប់គ្នាមក កីឡាករមានភាពអំណោយខ្លាំងផ្នែកកាយសម្បទា និងឆាប់ទទួលបានការគាំទ្រភាពល្បីល្បាញនៅលើសង្វៀន និងក្នុងបណ្តាញសង្គមនោះ នី វីរ៉ាផា ហៅមេឆាន ត្រូវបានគេផ្គូផ្គងឲ្យជួបកីឡាករបរទេសម្នាក់ទៀតនាថ្ងៃទី១៨ ខែសីហា ឆ្នាំ២០២៤ នៅលើសង្វៀន Town ហើយមេឆានមកលើកនេះតើអាចស្តារដើមបានវិញរឺយ៉ាងណា? ឬក៍ប្រវត្តិសាស្ត្រនៅច្រំដែលដូចបីបួនប្រកួតចុងក្រោយ ដោយសារតែខុសតំណមគ្រូ។
កីឡាករ នី វីរ៉ាផា ដែលត្រូវបានអ្នកគាំទ្រដាក់ឈ្មោះក្រៅថា «មេឆាន» អាចដណ្តើមបានប្រជាប្រិយភាពលឿនគួរសម តាមរយៈឆន្ទៈ និងទឹកចិត្តប្រកួតដ៏អង់អាចរបស់ខ្លួន ដែលតែងតែចូលវាយសម្រុកទៅលើគូប្រកួត ជាមួយការប្រើកែង ជង្គង់ ទាត់ ជាពិសេសគឺកណ្តាប់ដៃតែម្តង។ ពេលនេះមានឈ្មោះឡើងសង្វៀនទៀតហើយបន្ទាប់ពីអ្នកប្រយុទ្ធមានមាឌធំ ទម្ងន់ ៦៥ គីឡូក្រាមរូបនេះបានប្រកួតចាញ់កីឡាករបរទេសប្រមាណបីបួនប្រកួតចុងក្រោយមកជាប់ៗគ្នាមក។
ប្រវត្តិប្រកួតរបស់កីឡាករជើងថ្មី មេឆាន បានប្រមាណជាង១០ប្រកួតប៉ុណ្ណោះឈ្នះច្រើនជាងចាញ់ដែលអាចដណ្តើមបានប្រជាប្រីយភាពខ្លាំងពីអ្នកគាំទ្រ តែភាពជោគជ័យបានមួយរយៈមកនេះត្រូវបានរលាយបាត់ទៅវិញដោយសារតែធ្វើខុសតំណមគ្រូ ដែលប្រកួតចាញ់ជាប់ៗគ្នាជាច្រើនលើកធ្វើឲ្យអ្នកទស្សនាមានការងខឿងឆ្ងល់ជាខ្លាំងថា មេឆាន បានល្បីសប្បាយជាមួយភាពជោគជ័យរបស់ខ្លួនហើយឈប់ហាត់ ឬក៍មានបញ្ហាអ្វីមួយ។ តែក្រោយមកត្រូវបានសាម៉ីខ្លួនបញ្ជាក់ថា ខ្លួនហូបសាច់ពិសាសធ្វើខុសតំណមគ្រូ ធ្វើឲ្យសុខភាពមិនសូវល្អ ទើបបានប្រកួតចាញ់ជាបន្តបន្ទាប់។ តែយ៉ាងណាកីឡាកររូបនេះបានសារភាពថា ការហ្វឹកហាត់បិទបាំងការពារខ្លួននៅស្ទើរនៅឡើយ តទៅខ្លួននិងបន្ថែមចំណុចត្រង់នេះឲ្យខ្លាំងជាងនេះដើម្បីកុំឲ្យដៃគូសន្លប់ដូច្នេះទៀត។
គួរបញ្ជាក់ថា សម្រាប់ការទទួលបានឱកាសប្រកួតមិត្តភាពអន្តរជាតិ ជាលើកដំបូង នៅលើសង្វៀនថោន កាលពីថ្ងៃទី១៤ ខែមីនា កន្លងមកនេះ កីឡាករ នី វីរ៉ាផា បានវ៉ៃសម្រុករហូតធ្វើឱ្យអ្នកប្រដាល់ Enrico De Witt អស់ខ្យល់ និងសុំចុះចាញ់ នៅចុងទឹកទី១ ហើយជ័យជម្នះនេះ ហើយការប្រកួតឈ្នះលើកីឡាករបរទេសជាបន្តបន្ទាប់ធ្វើឱ្យប្រជាប្រិយភាពរបស់ មេឆាន ឡើងមួយកម្រិតទៀត។ តែកាបរាជ័យជាប់ៗគ្នាធ្វើឲ្យគេបាត់មុខមួយរយៈ ចាំមើលមកលើកនេះតើប្រវត្តិសាស្រ្តរបស់ នាយឆាន នឹងត្រូវបានកែប្រែឬជាប្រវត្តិសាស្ត្រច្រំដែល…? យ៉ាងណាសង្ឃឹមថាគាត់អាចកែប្រែបាននិងទទួលបានជ័យជំនះ
ទទួលបានការគាំទ្រឡើងវិញ។ តើបងប្អូនសង្ឃឹមលើមេឆេន ប៉ុន្មានភាគរយក្នុងការប្រកួតលើកនេះ សូមចូលរួមcomment និងShare តាមការគួរ៕
