រដ្ឋបាលខេត្តក្រចេះឆ្លើយតបនឹងការផ្សព្វផ្សាយថា ផ្លូវថ្នល់ក្បែរសាលាខេត្ត នៅរដូវប្រាំង តែមានទឹកដក់ហូរហៀរ មានក្លិនស្អុយ ស្មោកគ្រោក

នៅរសៀលថ្ងៃទី២១ ខែកុម្ភៈ ឆ្នាំ២០២៤ រដ្ឋបាលសង្កាត់ក្រចេះ បានលើកឡើងថា ទីតាំងបញ្ហានេះ ក្រុមប្រឹក្សាសង្កាត់ក្រចេះបានប្រជុំអនុម័ត និងដាក់បញ្ចូលក្នុងគម្រោងអាទិភាព ជួសជុលលូ សម្រាប់ឆ្នាំ២០២៤រួចជាស្រេចហើយ នឹងចុះសិក្សាគម្រោងអនុវត្តនៅពេលឆាប់ៗខាងមុខនេះ។

ឆ្លើយតប នឹងម្ចាស់គណនីហ្វេសប៊ុក (facebook) ឈ្មោះ Chhuon Socheat ដែលពុំបានដឹងអំពីព័ត៌មានគ្រប់ជ្រុងជ្រោយ និងច្បាស់លាស់ពីកម្មវិធីវិនិយោគ រួមនឹងគម្រោងអាទិភាពដែលត្រូវអនុវត្តក្នុងឆ្នាំរបស់សង្កាត់បាន ចុះផ្សាយបញ្ហាដែលកើតមាននៅទីតាំងគម្រោងដែលពុំទាន់បានអនុវត្ត បង្កឱ្យមានការភាន់ច្រឡំពីសំណាក់ សារណជនគិតថាអាជ្ញាធរសង្កាត់ ក្រុង និងខេត្តពុំបានគិតគួរយកចិត្តទុកដាក់៕