គ្រោះថ្នាក់ដ៏កម្រ! រថភ្លើងបុករថយន្តដឹកដី នៅស្រុកសង្កែ ខេត្តបាត់ដំបង របួសធ្ងន់ម្នាក់ តើភាគីខាងណាជាអ្នកសង?

បាត់ដំបង ៖ គ្រោះថ្នាក់ដ៏កម្រ កើតឡើងពីការធ្វេសប្រហែស មិនមានការប្រុងប្រយ័ត្ន ដោយមានករណី គ្រោះថ្នាក់ ចរាចរណ៍ រវាងរថភ្លើងបុករថយន្តដឹកដី បណ្តាលអោយបុរសម្នាក់ រងរបួសធ្ងន់។ ហេតុការណ៍នេះកើតឡើង កាលពីរសៀល ថ្ងៃទី០១ ខែកុម្ភ: ឆ្នាំ២០២៤ នៅត្រង់ចំណុចភូមិស្វាយជាតិ ឃុំរាំងកេសី ស្រុកសង្កែ ខេត្តបាត់ដំបង។ មតិប្រជាពលរដ្ឋបានលើកឡើងថា ធ្លាប់តែឃើញរថយន្តបុកជាមួយម៉ូតូ រថយន្តបុកជាមួយរថយន្ត បើចរចាមិនត្រូវគ្នាទេប៉ូលិសយករថយន្តបង្ក និងរថយន្តរងគ្រោះទៅរក្សាទុក នៅប៉ុស្តិ ឬអធិការខណ្ឌ ចុះរថភ្លើងបុកជាមួយរថយន្តតើយកទៅណាដែរ ហើយតើភាគីខាងណាជាអ្នកសង?៕