ព័ត៌មានបឋម! ព្រឹកថ្ងៃទី១២មីនា នេះអគ្គីភ័យកំពុងតែឆាបឆេះផ្ទះប្រជាពលរដ្ឋជាច្រើនខ្នង ក្នុងសង្កាត់ផ្សារឆ្នាំង ក្រុងកំពង់ឆ្នាំង

កំពង់ឆ្នាំង ៖ ផ្ទះប្រជាពលរដ្ឋជាច្រើនខ្នង ត្រូវបានអគ្គីភ័យកំពុងតែឆាបឆេះ គិតត្រឹមម៉ោង៨ នឹង៣០នាទីព្រឹកថ្ងៃទី១២ ខែមីនា ឆ្នាំ២០២៣នេះ នៅមុខប៉ុស្តិ៍រដ្ឋបាលផ្សារឆ្នាំង ក្នុងភូមិផ្សារឆ្នាំង សង្កាត់-ក្រុងកំពង់ឆ្នាំង ដោយមិនទាន់គ្រប់គ្រងសភាពការណ៍បាននៅឡើយដោយសារតែអគ្គីភ័យមានទំហំធំពេក។

ខណៈនេះរថយន្តពន្លត់អគ្គីភ័យរបស់ស្នងការដ្ឋាននគរបាលខេត្ត កំពុងតែជញ្ជូនទឹកទៅអន្តរាគមន៍បាញ់ពន្លត់។ ហើយចំពោះហេតុការណ៍នេះ គេនៅមិនដឹងពីទំហំនៃការខូចខាត និងមូលហេតុនៅឡើយដែរ។

ព័ត៌មានលម្អិតក្រុមការងារនឹងបន្តជម្រាបជូនជាបន្តបន្ទាប់៕