ភ្នំពេញ ៖ បុរសវ័យចំណាស់ម្នាក់ត្រូវបានស្លា..ប់បាត់បង់ជីវិត ខណៈនារីវ័យក្មេងម្នាក់ត្រូវបានគេជួយសង្គ្រោះទាន់បញ្ជូនទៅកាន់មន្ទីរពេទ្យ ក្នុងហេតុការណ៍ភ្លើងឆេះផ្ទះល្វែងក្នុងបុរីគឹមសាន្ត ភូមិតាកេរ្តិ៍ សង្កាត់កំបូល ខណ្ឌកំពូល រាជធានីភ្នំពេញ កាលពីយប់រំលងអាធ្រាតឈានចូលថ្ងៃទី៣០ ខែវិច្ឆិកា ឆ្នាំ២០២១។
សមត្ថកិច្ចបានអោយដឹងថា ជនរងគ្រោះឈ្មោះសៀ សុខផល អាយុជាង៥០ឆ្នាំ សំភារៈនៅក្នុងផ្ទះត្រូវបានអគ្គិភ័យឆេះស្ទើរតែទាំងស្រុងទៅហើយ។
ប្រភពដដែលបានឲ្យដឹងទៀតថា នៅមុនពេលកើតហេតុនៅម៉ោង១២ជាងស្រាប់តែគេឃើញផ្សែងហុយខ្មៅចេញ ពីផ្ទះកើត ហេតុខាងក៏រាយការណ៍ទៅសមត្ថកិច្ចមូលដ្ឋានក៏មកដល់រយះពេល១០នាទី ក្រោយមកក៏ចេញជាអណ្ដាតភ្លើងយ៉ាងសន្ធោសន្ធៅ បន្ទាប់មកក៏រថយន្តពន្លតអគ្គិភ័យបានមកដល់ធ្វើការបាញ់អន្តរាគមន៍ ដើម្បីជួយសង្រ្គោះម្ចាស់ផ្ទះតែអកុសលបុរសវ័យចំណាស់ម្នាក់ត្រូវបានស្លា..ប់បាត់បង់ជីវិតទៅហើយ សមត្ថកិច្ចសង្រ្គោះបានតែនារីវ័យក្មេងម្នាក់ប៉ុណ្ណោះត្រូវបានបញ្ជូនកាន់មន្ទីរពេទ្យ។
ក្នុងហេតុការណ៍នេះរថយន្តពន្លត់អគ្គិភ័យ ចំនួន ៥គ្រឿង មានដូចជា រថយន្តពន្លត់អគ្គិភ័យរបស់សង្ឃឹមថ្មី ចំនួន៣គ្រឿង រថយន្តពន្លត់អគ្គិភ័យរបស់អង្គភាពសង្រ្គោះ៩១១ ចំនួន១គ្រឿង រថយន្តរបស់រដ្ឋបាលខណ្ឌកំបូល ចំនួន១គ្រឿង សរុប៥គ្រឿង ទើបរលត់ទាំងស្រុង នៅវេលាម៉ោង២រំលងអាធ្រាត្រឈានចូលថ្ងៃទី៣០ ខែវិច្ឆិកា ឆ្នាំ២០២១៕
