កីឡាបរទេស ៖ Harry Kane ប្រធានក្រុម Spurs បានអះអាងថាសមាជិករបស់ខ្លួនមានសមត្ថភាពគ្រប់គ្រាន់នារដូវកាលនេះ ក្នុងការឈ្នះពានរង្វាន់ English Premier League ដែលយើងធ្លាប់បានទៅកៀកនឹងវាទៅហើយ កាលពីប៉ុន្មានឆ្នាំមុន។
ក្រុមរបស់លោក Jose ឈរលេខរៀងទី២បន្ទាប់ពីក្រុមLiverpool ដែលរដូវកាលនេះត្រូវបានគេមើលឃើញថា ក្រុម Spurs លេងត្រូវជើងគ្នាល្អ។ ជាមួយទម្រង់លេងនិងសមាជិកក្រុមថ្មី ពោរពេញដោយសមត្ថភាពនារដូវកាលនេះ ទើបធ្វើឱ្យសមាជិកក្រុមមានទំនុកចិត្តថាពួកគេអាចលើកពានបាន។Kane ដើរតួជាប្រធានក្រុមម្នាក់នោះ ចេញមកនិយាយថា៖ “ពេលអ្នកមើលមកសមត្ថភាពក្រុមរបស់ពួកយើង អ្នកនឹងអាចនិយាយបានថាក្រុមនេះមានសមត្ថភាពគ្រប់គ្រាន់ក្នុងការឈ្នះពាន។ យើងធ្លាប់បានទៅកៀកនឹងវាទៅហើយ កាលពីប៉ុន្មានឆ្នាំមុន ប៉ុន្តែវានឹងមិនងាយស្រួលដូចការគិតឡើយ។ យើងនឹងសល់ការប្រកួតជាច្រើនទៀត នឹងពិតជាស្វិតស្វាញខ្លាំង”៕
