កីឡាបរទេ ៖ លោក Ronald Koeman អ្នកចាត់ការក្រុម FC Barcelona បានលើកឡើងថា កីឡាករ Lionel Messi គាត់ជាកីឡាករអស្ចារ្យម្នាក់ ហើយ ខ្សែប្រយុទ្ធ Lionel Messi ពេលខ្លះក៏មានពេលវេលាលំបាកដូចមនុស្សគ្រប់គ្នាដែរ មិនល្អគ្រប់ពេលឡើយ។
វីដេអូនៅចុងម៉ោងកាលពីម្សិលមិញនេះ កំពុងតែផ្ទុះខ្លាំងមែនទែន ដែលលោក Koeman ក៏បានឃើញដូចគ្នា។ ជាមួយបញ្ហានេះ អ្នកចាត់ការសញ្ជាតិហុល្លង់បាននិយាយថាមិនមែនជាបញ្ហាធំអ្វីនោះទេ ព្រោះវាជារឿងធម្មតាទៅហើយសម្រាប់មនុស្សគ្រប់គ្នា។ គ្មាននរណាម្នាក់ល្អគ្រប់ដប់ឡើយ ពោលគឺតែងតែមានពេលលំបាកខ្លះដូចគ្នា។
អ្នកចាត់ការថ្មីរបស់ក្រុម Barcelona បាននិយាយថា៖ “គាត់ជាកីឡាករអស្ចារ្យម្នាក់។ គាត់នៅមានសមត្ថភាពជាច្រើនទៀតហើយគាត់ក៏បានបង្ហាញវាផងដែរ។ ខ្ញុំដឹងថាគាត់រកគ្រាប់បាល់បានដោយប៉េណាល់ទីនិងគាត់តែងតែប្រឹងប្រែងធ្វើឱ្យមានភាពផ្សេងគ្នា។ គាត់ជាកីឡាករសម្រេចការប្រកួត។ យើងចង់ទុកគាត់នៅលើទីលាននៅកន្លែងដែលធ្វើឱ្យដៃគូឈឺចាប់បាន”៕
