កីឡាបរទេស ៖ ក្រុម PSG បានយកឈ្នះលើក្រុម Atalanta ក្នុងលទ្ធផល ២-១ សម្រាប់ការប្រកួតវគ្គ៨ក្រុមចុងក្រោយ UEFA Champions League ហើយកីឡាករNeymar ខ្សែប្រយុទ្ធ PSG យល់ឃើញថាក្រុមរបស់ខ្លួននឹងឡើងដល់វគ្គផ្ដាច់ព្រ័ត្រនៅឆ្នាំនេះ។
ក្នុងការប្រកួតនេះ PSG មានប្រៀបមែន ប៉ុន្តែ Atalanta ឯណោះទេដែលជាអ្នករកគ្រាប់បាល់បានមុននៅពាក់កណ្ដាលតង់ទី១។ យ៉ាងណាមិញ ការប្រកួតនេះមិនបញ្ចប់ទៅដោយលទ្ធផល ១-០ នេះឡើយ ពោលគឺនៅនាទី៩០+ ទៅហើយ ក្រុមយក្សបារាំងស្រាប់តែមានឱកាសរកគ្រាប់បាល់តាមស្មើបានវិញ និងបន្ថែមបាន១គ្រាប់ទៀតមុនចប់ការប្រកួត ដើម្បីយកឈ្នះក្នុងលទ្ធផល ២-១ តែម្ដង។ការធ្វើបានល្អនៅយប់មិញនេះហើយ ទើបបានជាធ្វើឱ្យ Neymar ខ្សែប្រយុទ្ធ PSG យល់ឃើញថាក្រុមរបស់ខ្លួននឹងឡើងដល់វគ្គផ្ដាច់ព្រ័ត្រនៅឆ្នាំនេះ។
បើទោះជាប៉ះក្រុមណាក៏ដោយនៅវគ្គពាក់កណ្ដាលផ្ដាច់ព្រ័ត្រ ក៏កីឡាករប្រេស៊ីលខាងលើមានទំនុកចិត្តថានឹងឆ្លងផុត ឡើងទៅវគ្គដណ្ដើមពានរង្វាន់ផងដែរ៕
