ភ្នំពេញ ៖ ថ្ងៃនេះចៅគេ កូនគេ ក្មួយគេ ប្អូនគេ តែថ្ងៃក្រោយក្រែងខ្លាចធ្លាក់មកប៉ះ ចៅយើង កូនយើង ក្មួយយើង ប្អូនយើង ដូច្នេះកុំប្រងើយកន្តើយចំពោះបញ្ហាគ្រឿងញៀនឲ្យសោះ ទាំងអាណាព្យាបាល ថ្នាក់ភូមិរហូតមកដល់សង្កាត់ ព្រមកម្លាំងប្រដាប់អាវុទ្ធក្នុងសង្កាត់របស់យើង មិនត្រូវលាក់បាំងនោះឡើយ បើដឹងថានៅភូមិនេះ ឬភូមិនោះកំពុងតែប្រព្រឹត្ត ឫជួញដូគ្រឿងញៀន ត្រូវរាយការមកសង្កាត់ជាបន្ទាន់មិនត្រូវលាក់បាំង ដោយគិតថាមិនមែនជាសាច់ញាតិរបស់ខ្លួននោះឡើយ។
ប្រទេសកម្ពុជាដំបូងឡើយគឺគ្រាន់តែជាចំណុចឆ្លងកាត់ ដ៍លួចលាក់បំផុតនៃគ្រឿងញៀនប៉ុណ្ណោះ តែបច្ចប្បន្ននេះកម្ពុជាខ្លាយជាកន្លែងផលលិតលួចលាក់ ដែលត្រូវបានកម្លាំងជំនាញបង្ក្រាបបានជាបន្តបន្ទាប់តាមភូមិសាស្ត្រជាយរាជធានីភ្នំពេញ។ ទាំងនេះគឺជាការលើកឡើងរបស់លោកយិន អ៊ីម ចៅសង្កាត់សំរោង នៅក្នុងការចុះផ្សព្វផ្សាយពីផលប៉ះពាល់បញ្ហាគ្រឿងញៀន ដល់ប្រជាពលរដ្ឋក្នុងភូមិសំរោងកណ្តាល នាព្រឹកថ្ងៃទី២៨ ខែមីនា ឆ្នាំ២០១៩ នៅក្នុងវត្តសំរោងកណ្តាល។
លោកយិន អ៊ីម បានបញ្ជាក់ថាថ្ងៃនេះចៅគេ កូនគេ ក្មួយគេ ប្អូនគេ តែថ្ងៃក្រោយក្រែងខ្លាចធ្លាក់មកប៉ះចៅយើង កូនយើង ក្មួយយើង ប្អូនយើង ដូច្នេះកុំប្រងើយកន្តើយចំពោះបញ្ហាគ្រឿងញៀនឲ្យសោះ ទាំងថ្នាក់ភូមិរហូតមកដល់សង្កាត់ ព្រមកម្លាំងប្រដាប់អាវុទ្ធថ្នាក់សង្កាត់របស់យើង បើយើងចាប់មិនបានទេត្រូវផ្តល់ព័ត៍មានមកដល់សង្កាត់ថា ឈ្មោះក ខ គ ឃ ង នៅភូមិនេះ ភូមិនោះកំពុងតែប្រព្រឹត្ត ឫជួញដូគ្រឿងញៀន ហើយរឿងនេះលោកនឹងលាក់ការឲ្យជិតមិនឲ្យគេដឹងថានណាជាអ្នករាយការឡើយ បើខ្លាចក្រែងសុវត្ថភាពផ្ទាល់ខ្លួននោះ។
គួរបញ្ជាក់ផងដែរថាបទល្មើសគ្រឿងញៀន នៅតែបន្តធ្វើសកម្មភាពជារៀងរាល់ថ្ងៃ នៅក្នុងមូលដ្ឋានស្ទើរទូទាំងប្រទេស បើទោះបីសមត្ថកិច្ចពាក់ព័ន្ធខិតខំបើកយុទ្ធនាការបង្ក្រាប និងចាប់បានជនសង្ស័យ ឬជនល្មើសកន្លងមក បញ្ជូនទៅកាន់តុលាការផ្ដន្ទាទោសជាបន្តបន្ទាប់បែបណាក្តី។
ជាចុងក្រោយលោកចៅសង្កាត់សំរោង បានសំណូមពរដល់ប្រជាពលរដ្ឋគ្រប់លំដាប់ថ្នាក់ត្រូវតែចូលរួមទាំងអស់គ្នា ដើម្បីកាត់បន្ថយ និងលប់បំបាត់ឲ្យអស់គ្រឿងញាណដែលប្រទេសថៃគេហៅថាយ៉ាបា ឫយ៉ាម៉ា ចេញពីប្រទេសកម្ពុជាយើង ដែលបច្ចប្បន្នកំពុងតែព្រួយបារម្មណ៍អំពីបញ្ហានេះជាខ្លាំងនោះ៕
